طبعاً هذا الغسول ذكرته ف موضوعي ع الرابط :
https://forum.uaewomen.net/showthread.php?t=981889
أول شي قبل ما تبدين تنظفين أي شي بتستخدمينه بمناديل ديتول عشان التعقيم
و هاي المقادير :
ملعقة من إكليل الجبل ( روز ماري)( اتحصلينه ف الجمعيات صوب البهارات )
ملعقة كبيرة من البابونج ( اشتري البابونج من الجمعية من صوب الشاي )
ملعقتين كبار من الخزامى / اللافندر ( اشتريه من الملا بلازا أو من تاجرات المنتدى )
ملعقتين قشر رمان جاف ( من عند العطار أو بروحج جففي قشر الرمان )
كسرة متوسطة مرة ( من عند العطار )
ملعقة ورد مجفف ( من عند العطار )
اتفورين حوالي لتر ماي و اتصبينه ع الأعشاب ف ملة و تحاولين تجلسين تحتها نفس الحمام العادي – عزكن الله – و بعدين اتخلين الأعشاب تنتقع ساعة اتصفينها بالمشخلة و اتحطينها عدالج في الحمام طبعاً عقب الأربعين أو عقب ما ينقطع عنج الدم و تتغسلي بها مرة في اليوم لأنها قوية و ما تشطفين بعدها نفسج بالماي … جربيها و بتدعين لي
