اشحالكم خواتي … احم احم .. جني من زمان مادخلت هالقسم ..
المهم انكم وحشتوني وحشتوني وحشتوني
واليوم بحطلكم كالعادة اكلة بالاحرى اكلتين سهلالالالالالالالالالات ومايبالهم شي
واذا حسبت العيش … يعني 3 اكلالالالالالات … ان شاء الله يعيبكم
وهم
1- العيش الملون
2- دياي بالتكة
3- روبيان بالفاصوليا الخضرا
ببدا بالعيش ..
يالله بسم الله الرحمن الرحيم ..
على فكرة ترا العيش مب ملون بس لانه فيه خليط الوان ويمكن الاغلب يعرف هالعيش
وانا وااااااااااايد احبه .. وعموما احب الخضار المشكلة وايد
يالله ببدا بالخطوات
المقادير:
زيت..اعواد قرفه .. مسمار.. هيل .. ورق الغار ..واي منكهات تبين..
بصل ..مكعبات ماجي (حسب الرغبة) ..ملح ..عيش بسمتي
الطريقة
نحط الزيت في اليدر .. وعليه المنكهات
عقب تحطين البصل
وتحمرينه
تحطين مكعبات الماجي
وتحركين
تحطين العيش
ويوم ينشف الماي جي… يتم شوية ماي في اليدر
تحطين خضار مشكلة
جاهز للأكل
الحين بحطلكم دياي بصلصة التكة
لاتردون وانتظروا الصور
المقادير:
الخضار
صدور دياي مقطع مكعبات
صلصة التكة
الطريقة:
تحطين زيت زيتون في اليدر وعليه البصل والفلفل والثوم
تحطين الدياي
وتغطين اليدر وتضيفين كوب ماي وتخلين الدياي يستوي
وشوفي مراحل اللي ينضى فيه الدياي
وتحطين الصلصة
الصلصة بدت تنشف .. وطبعا اتغطين اليدر وتحركين بين فترة وفترة وتغطين اليدر
هني الصلصة نشفت وجاهز للاكل
الربيان بالفاصوليا الخضرا
المقادير
خضار
ربيان .. منظف وخليته في الماي .. ماعرف السبب بس جي
زيت + بهارات + معجون طماط + ملح وفلفل + كركم + فاصوليا خضرا ( اختياري)
الطريقة
اتحطين الزيت في اليدر
وعقبها البصل
وعقبها العبي بالبصل
حطي الخضره
حطي الصلصة
لوووول هني يا فخاطري احط الفاصوليا .. ترا مب متاكده من اسمه لوووول اخاف الاسم خطأ
المهم وانا العب بالصلصة حسيت انه ناقص لون جان اظهره من الفريزر وخفت الصلصة تحترق جان احط عليه
الفاصوليا .. وعقبها انتبهت اني ماعسلته لووووول … انتوا طوفوها … المهم انه لذيذ طلع
وبين فترة وفترة كل ماشفتي الخلطه نشفت حطي عليه ماي
عقبها اتحطين الروبيان وتضيفين البهارات والملح وتحركين بين فترة وفترة لين ماينضى الروبيان
وهني مراحل استواء الروبيان لووووول … وللاسف مالحقت اصوره لاني سرت اتسبح
ويوم رديت كانوا مجهزين السفرة ومالحقت اصور .. بس صورة الدياي لاني حطيته لاختي
كانت حاشرتني يوعانه ومافيها تتريا
هني شكل النهائي قبل الغرف … وعلى فكرة غطي اليدر وبين فترة وفترة حركي
وردي غطي اليدر نسيت اصور هالحركة
الحمدلله خلصت اكلتي البسيطة
وان شاء الله عيبتكم .. ولاتنسوني من دعواتكم الطيبة
وياريت تدعونلي انه الله يرزقني وظيفة محترمة وزينة .. وانه ربي يشافي اخويه فديته
