العمره

السلام عليكم ورحمة الله وبركاتهـ

شحالكم ؟!

بنات انا اول مره بسير العمره ان شاءالله

يوم السبت ان شاءالله

ف اباكم تعلموني عن كل شي لانه صدق ماعرف شو بسوي هناكـ

يعني الطواف هل هو زحمة وخنقه وجيه ؟ ولا جنكم تمشوون عادي
والسعي يتعب ؟!

وشو لازم البس وشو لازم اشل وياي

وكل شي

الله يسهل عليكم
اختي الزحمه هذي اللي تشوفينها الله يفرج عليش هناك ويوسع بعد الضيق يتوسع.. والسعي لو متعب هذا كله بأجره والله يسهل كل شي لا تخافين
من ضمن المتطلبات
– شرابات غليظه
– عند الاحرام لا تلبسين النقاب حاولي تتغطين بس
– مقص
– يفضل الشيل ما تكون مزركشه
– لا تزاحمون
– ولا تزاحمين عند الحجر الاسود اذا فيه زحمه اشري

السلا م عليج الغاليه
لا تحاتين شي فديتج
ان شاء الله كل امورج بتتيسر
انا امس كنت واصله من العمره والحمد الله مافي زحمه
حبوبه اول شي
انتي اذا بتسيرين في طياره لازم تحرمين من البيت تلبسين ملابس ايديده وانظيفه
ويوم بتمرين عند الميقات تنوين بالعمره
وتقولين لبيك اللهم عمره
واذا انتي سايره في سياره بتمرين ع الميقات في حمامات ( عزج الله ) تقدرين تلبسين ملابس الاحرام
بس الافضل تلبسين في البيت لانه الميقات زحمه وبعد ماتلبسين تنوين بالعمره .. واجنبي مبطلات الاحرام
( قص الاظافر .. او تساقط الشعر وانتي متعمده ) هاي تبطل احرامج

ويوم توصلين اطوفين 7 اشوااط تبدين من عند الليت الاخضر وترفعين ايدج اليمين وتقولين بسم الله والله اكبر 3 مرات وتبدين الشوط وكل ماتمرين عند الحجر الاسود ترفعين ايدج وتكبرين بسم الله والله اوكبر وعسب لاتضيعين في العد احسبي توتل عدد رفع الايد 8 مرات وبجيه خلصتي الطواف … واذا مريتي عند ركن اليماني تمسحين بأيدج اليمين ..ومب شرط بعد تمسحين ز.. ومن الركن اليمانى للحجر الاسود تقولين دعاء نسيته شو هووو بس انتى بتسمعين اناس يرددونه
وبعد ماتخلصين تصلين ورى مقام ابراهيم ركعتين … وبعد اذا حصلتي فرصه تصلين في مقام اسماعيل
ويوم بتوصلين السعي تبدين من عند الصفا وتنتهين في المروه
من الصفه لين المروه شوط ومن المروه لين الصفا شوط
تمشين 7 اشواط
واول ماتوقفين تقرين الايه ( ان الصفا والمروه من شعائر .. .. )
واذا تبغين تاخذين كتيب اصغير عن العمره وفي كل شي
وان شاء الله الله بيسر امورج
لاتحاتين الزحمه امشي وانتي عادي
وبعد ماتخلصين تقصين شوي من شعرج عسب تبطلين الاحرام .
بس نصيحه تاخذين كتيب عسب لاتنسين

عسى الاخوات يساعدونك ووفقكي الله

الدعاء هو "اللهم اتنا في الدنيا حسنه وفي الاخرة حسنه وقنا عذاب النار"
يفضل تدعين من الي عندك في خاطرك
لكن الخطوات مثل ما قالت الاخت بس حاولي تدعين في قلبج موب بصوت عالي مثل الباقين
شوقتوني

الخوات ما قصرن لاني انا بسير بعد وبصراحه اول مررة ولا اعرف شي لاغير الحين عرفت وبسير اخذ لي كتيب فيه كل شي ^^ يسلموؤ ما قصرن البنات

حبيبتي الزحمه الي تشوفينها هناك ما تشوفينها
والله يهنبج ويتقبل ان شاء الله