" العقد : تم الزواج وخاب ظن العواذل "

تعشوا أهله وتفاولوا وعقب الحريم يلسن في صوب ونحن البنات في صوب .. وسوينا يمعه على قدنا
وعقب يابن خواتي الكيكه وقصيناها مع خواته ..

وهذي صورتها ..

كانت يمعه حلوه استانسنا واااايد وعقب روحوا كلهم حريم ورياييل
بس هو تم يالس وياخواني أونه يبا يسهر وياهم ..

وفجأه دخل علينا أخويه يستخف دمه أونه :
" إنتي هنيه وريلج جالب الدنيا عليج "

ثره الحبيب طلع مخطط عسب ييلس وياي أنا ههههه

أنا استحييييت منهم وسويت عمري معصبه وقلت حق أخويه :
" شو ريلج وما ريلج أنا ماحب هالسوالف " .. ( أونج عااااد احلفي بس ) خخخخخ

تموا خواني وخواتي يتمسخرون عليه ويمزحون ويايه لكني ماطعت أسير يا غير بطلوع الروح وبعد ما تأكدت إنه أخويه بيسير ويايه عنده ..

سرت وحصلته متيلس في صدر الميلس وأول ما دخلت نش وتمت عينه عليه ليييين وصلت عنده
وسلمت عليه وكأني أول مره اشوفه وحالتي حاله ههههه

بس ما كنت مرتاحه أبدآ .. كنت مستحيه من أخويه صدق ما عرفت شو أقول في وجوده معانا لكنه طلع ذرب يوم شافنا ساكتيين ورسميين قال :
" تذكرت شغله ظروريه شوي وبرجع لكم "

زااغت عييني .. ودق قلبي بسررررعه .. ويلي شو بسوي .. ( توج ماتبينه )

قمت مسكت إيدينه من تحت لتحت وضغطت عليها بقووه اترجاه ما يخلينا بروحنا لكنه لبس توسلااااتي وخلانااا ..

وأول كلمه قالها الحبيب بعد ما خذ راحته :
" تستحين مني ؟ "

ماعرفت بشو أرد وشفايفي ماعرف شو ياها ذيج الساعه وقامت تتناااافض تلعثمت ما عرفت شو أقول وهوالإبتسامه شاااقه حلجه ..

طلع الحبيب يايب وياه هديه غير الباقه وهي هالخاتم :

استحيت آخذه منه بس هو نش ويا صوبي ومسك إيديني وحطاه في كفي وما صدق عمره يلس قربييي لصق فييييني .. وجـــــااااااان ابعد عنه هههههههه
عقب حليله ضحك ورد مكانه .. وتم يسولف من بعيد لبعيد ويشجعني عالسوالف ..

عقبها صرت أرد عليه يعني أحسن عن النظره والخطوبه بس كنت بعدني مب متعوده عليه وااااايد وعطاني رقمه وخذ رقمي وعقب يا أخويه وخرب علينا إهيء إهيء ..

وروح الحبيب من عدنا والحمدلله سارت الأمور على خير مثل ماتمنيتها وأكثر ..

وقبل شويه ياني مسج من رقمه فتحته وقريت الرساله :

°’؛، دام الحــروف تضـيـع فـي حمـرة شفــاك ،؛’°
°’ ؛، يا ليت كنــت حـروف تلـثم شفـاتك ،؛’°
°’؛، ودام الخـجل ميــزه مــن أحــلى مزايــاك ،؛’°
°’ ؛، يا بخت قلبي حـب مـن هو شـراااتــك ،؛’°
(يالمستحيه تراني ريلج )

فرحت بالمسج وااايد خاصه آخر شي هههه
وفرحت أكثر لأنه الله خذ بيديني وعجل بأموري ويسرها وتمم فرحتي على خير وماشمت حد فيني ..

وما بقالنا إلا الملجه وبتكون أول شهر اثنين إن شالله والعرس أول شهر أربعه وربي إيسر الأمور ..

و كل وحده وقفت معاي ودعتلي في ظهر الغيب بدون ما تعرفني سر أو علن ..
عسا الله ينولها مرادها شووو مااا كااااان عااااجل غير آآآجل
ويفرحها دوووم ويسترها دنيا وآخره