خواتي ما ادري شو فيني برغم من أنا ما كنت جذيه….
صايره كأني لغم محد يروم يكلمني في البيت إلا انفجر عليه…..و خصوصاً الخدمات البارحه امصيحه وحده فهين….عصبت بي و صارخت عليها….
و انا كانت عندي هواية الطبخ….يعني يوم يجي في بالي اطبخ طبخه اسويها….الحين استويت اكثر شي اعصب يوم اطبخ…..عشان جذيه عصبت على الخدامه لإنها سوت شي غلط في المطبخ……و هاي مب اول مره اعصب جذيه و انا اطبخ….الخدامه قالت لي إنتي ليش تعصبين علينا جذيه يوم تطبخين….
القهرررر إن ما كنت جذيه…..اختي تقول لي يمكن عين عشان كل حد كان يمدح طبخي حتى الخدمات ما يقولون خير….و انا ما ادري…..صحيح عندي مشاكل ثانيه في حياتي اكبر من هالمشكله بس انا ما احب اتعمق و اطلع مشاكلي…..
الحين حتى في البيت استوو ما يكلموني وايد…..و الخدامه من تشوفني تضربها انفضه و اتم اتناهي….
بس انا ما ابغي اكون جذيه
ما اعرف شو اسوي خواتي 
الله يهدي سرج يااارب وينزل عليج السكينة ان شاء الله
حاااااااااولي بكل مافيج من قوة انه كلمة استغفر الله ولا اله الا الله تسبق أي شي تبين تقولينه وانتي معصبة
وادعي ربج بكل جهد وايمااان انه هالطبع يتغير
انا حاسة فيج لأني كنت مثلج لكن الحمدلله اللي يغير ولا يتغير بفضل الاستغفار صرت غير
ماقولج اني مستوية ثلج هههههه لا طبعا بس ويييين كنت و ويييين صرت 
السالفة يبالها عزيمة وتذكير دااائم للنفس بانه الكلمة الطيبة أقوى وأفضل وأجمل ^^
وربي يوفقج يارب
المشاركة الأصلية كتبت بواسطة رويــانــة 
الله يهدي سرج يااارب وينزل عليج السكينة ان شاء الله
حاااااااااولي بكل مافيج من قوة انه كلمة استغفر الله ولا اله الا الله تسبق أي شي تبين تقولينه وانتي معصبة
وادعي ربج بكل جهد وايمااان انه هالطبع يتغير
انا حاسة فيج لأني كنت مثلج لكن الحمدلله اللي يغير ولا يتغير بفضل الاستغفار صرت غير
ماقولج اني مستوية ثلج هههههه لا طبعا بس ويييين كنت و ويييين صرت
السالفة يبالها عزيمة وتذكير دااائم للنفس بانه الكلمة الطيبة أقوى وأفضل وأجمل ^^
وربي يوفقج يارب
جزاكي الله خير اختي رويانة على ردج….و بحاول إن شاء الله استغفر إذا يتني العصبية…
الله يهدينا ان شاء الله شو اسوي ما اقدر اقبض عمري وتبين الصدق من اهدا اندم ندم غير طبيعي
والله اني اكتب واحس اني مغتبنه اكره عمري يوم اعصب يااااااااااااااااااااااااالله
استغفرك اللهم واتوب اليك