العدس الحامض على الطريقة الهندية

خواتي مبارك عليكم الشهر ووالله يجعلنا من صوامه وقوامه ان شاء الله

انا الصراحة بدخل في الموضوع سيده

هذا طبق مثل الشوربة لكن الاحظ انه ينوكل مع العيش (الأرز) او الخبز (البراتا او الجباتي)

وبعدين في على الوجه مثل التقلية اي التشه(قلبناها من هندي لمصري ايوا ياعم هههههه) كمون (سنود) كبير وفلفل كبير وثوم كبير (والله سعبلت وانا صايمة استغفر الله) المهم

ومن الذ ما اكلته من الاطباق الهندية واللي مشهور بها مدينة حيدراباد مشهورين بها الطبق

فياليت اللي تعرف الطريقة تكتبها لنا والله يجعله في ميزان حسناتكم

حاولنا انسويها في البيت بس ما ظبطت طلعت حاجة ثانية خالص

اتمنى ما اطنشون خواتي والكل يستفيد ويتلذذذ بها الطبق الخيالي هههههه (حشى هب طبق اللي امخبلبج هاجذه ام سلوم)

أما الحموضة؟؟؟؟يمكن قبل التقديم بشوي,,,,تصبين عليه عصير التمر الهندي….لأن الهنود أغلب اكلهم تمر هندي اللي هو الصبار!!!!

اللهم تشترين عدس ابو الحب الكبار مب العدس البرتقالي

وتفورينه عالنار لين ينضج اشخليه وخليه في المشخله

وعقب وهو في المشخله طلعيه وحطيه في طيق وحطي عليه كزبرة ونعناع وفلفل اسود اعصري ليمون عليه

وبالعافية عليج ماشي اسهل منه

جزاكن الله خير خواتي لا خلا ولا عدم ان شاء الله

الله يعطيج القوة والعافية على الطبق وعلى المعلومات بعد
بس صدقيني اعتقد هو نفس الطريقة اللي قلتيها بس في اضافات ثانية بعد يمكن صبار ويطلع بني على حمر لون الدال طبعا

هذا طلع طبق ثاني واستفدنا منه تسلمين اختي وما تقصرين
وصحيح اللي تقولين عليه يسمونه شيء ثاني بعد
ووايد لذيذ
وحبيت اقول بعد انه الحموضة اللي فيه هب حموضة لومي اعتقد صبار

هي جذه خلونا نتفاعل بالطرق اللذيذة البسيطة واللذيذةةةةةةة

وياليت حد ايفيدنا بالضبط علشان نستفيد وصدقوني وايد لذيذ للي يحب الحامض

وكلامج صحيح فيه طماط اشوي يبتيها والله
بس ياليت اذا تقدرين تستنتجين الطريقة والله روعة وخبال
ومرة تاكلينه في رمضان منه اييج حارج في صدرج منه هههه من الحموضه ياي ياي ياي

اشتهيت ياحرمة….