العاده السيئه اللي منتشره في الرجال

السلام عليكم..
في الفتره الاخيره من مجتمع الامارات..
انتشرت ضاهره بين الرجال وهي"ضرب النساء"
مش الكل لكن الغلبيه العضمى من الرجال يستخدم العنف عند النساء..
بصراااااحه "هذا ظلم"..
وبعد…
اختي اللي اكبر مني تعرضت لهذا الموقف وانا وااايد راحمتنهاااااا..
هذي اطيب خواتي,,وانسانه صاينه نفسهااا ومطيعه لله.. وفي النهايه تنضرب..
السالفه:
معرسه من 6 سنوات وعندها ولدين.الله يخليهم الهاا.
وريلهاا انسان غيار"تحملت وصبرت وتغاضت عن اشياء وااايد" لكن بعد الغيره بدى الشك..
"صبرت وتحملت "
من بعد الشك بدى الضرب"ماقدرت" ردت بيت ابوي اللي في حياته ما مد ايده عليهاا..
تخيلن الموقف والصدمه اللي نحن عايشينهاا..
لكن المصيبه انها ردت بدون عيالهااااا..
بصراحه انا وايد منصدمه من اللي صار..
الموضوع كبر وااااااااااااايد ويمكن يوصل لحل وهو"الطلاق"..
الله كريم والله يصبر الجميع..

يا اختى انا سمعت وحده في برنامج على lbc اسم البرنامج بالاحمر العريض يعرض يوم الاربعا من كل اسبوع انه ريل اختها ضرب اختها لين ما ماتت فالله يسلم اختكم لكم ويرد لها عيالها يارب ويجزيها خير ان شاء الله

استغفر الله

مشكورات على الردود يا خواتي
بس برايكن شو الحل ويا هالمشاكل؟؟؟

الريال اللي يضرب مره بيضرب دوم
الحل يا حبيبتي انه الحرمه ما تعطيه مجال ايمد ايده ابدا
من البدايه تبين له انه لها ابو واخو يعني تبين له ان لها ظهر وسند
وتقوله انه الريال اللي يمد ايده ما فيه ذرة رجوله
واذا هو بغى يمد ايده يمدها جدام اخوها ولا ابوها والنتيجه يتحملها
يعني لا يستعرض ب قوته عليها
عنده مهاره يطلعها ع الرياييل مب عليها هي
اساس الزاوج الاحترام ثم الاحترام ثم الاحترام واللي مش قده
لا ياخذ بنت الناس ويبهدلها
الله يهدي ريل اختج ان شالله