يمكن موضوعي عنوانه غريب .. بس طرحته للحوار الهادف ولاني ابي اعرف رايكم
انا طرحت اكثر من موضوع يخصون البطاله لاني من الفئة التي لا تعمل واعرف حجم المعاناة
وغيري الكثير الي كتبو عن نفس الموضوع سواء بطريقة ايجابية تبحث عن حلول او بدائل
او سلبية تشكي الحال … وطبعا مافيها شي لان نحن هني نبي نفضفض ونفيد بعض
ع العموم موضوعي هني غير شوي
بس بليز اول نقطة ابيكم اتحطونها في بالكم اني اعرف ان كلنا محتاجين للمادة وانها السبب االرئيسي في العمل وربي قال عنها زينة الحياة الدنيا
لكن سوالي هني هل (الوظيفة الرسمية) سواء حكومية او خاصة تعتبرالوسيلة او الغاية؟؟؟؟
اذا كانت وسيلة صدقوني انها مش الوسيلة الوحيدة في العالم…. يعني قبل الاف السنين مافي شي اسمه وظيفىة رسمية ..الناس الوحيدة الي تستلم راتب ثابت هم الي يشتغلون لحساب غيرهم مثل الخدم
اما الباقي كل له مهنته الخاصة فيه من تجارة ونجارة و صناعه او حرفة
بتقولون لي هذا قبل …. صح قبل بس لو فكرتو فيها ترى كل سكان الكرة الارضيه معقولة لهم وظايف رسمية؟؟؟؟؟؟؟حتى لو بسيطة؟؟؟
اكيد لا….صح الله خلق وفرق بس الواقع ان الناس الي في الكرة الارضية اقل عن النص بكثير هم فقط الي لهم وظايف رسمية
واغلب الناس تعاني من البطالة في كل الدول
ارجع و اقول لو هي وسيلة ترى مش الوسيلة الوحيدة
بالنسبة للي يبون وظايف معينه سواء مهنه او منصب كالمحاماة او التدريس وغيره
هني الموضوع غاية و وسيلة مع بعض وهذا مش موضوعي هني
نحن في الامارات اعداد كبيرة من الخريجين وغيرهم مالهم وظايف وفعلا محتاجين للعمل لان الكل يبي يعتمد على نفسه ويسند اهله هذا طبيعي بس ……..شو الحل اذا مالقو وظايف؟؟؟؟؟؟
في ناس لقو لنفسهم حل بالعمل بالتجارة وناس بدت مشاريع من البيت وناس اسست شركات
اكيد هذا النوع ممكن مايناسب الكثير بس شو الحل اذا ما لقينا الوظايف؟؟؟انتم جي لين متى ؟؟؟
في امريكا و اوربا وغيرها ماعتقد ان الي يتخرج من الجامعه يتوظف على طول او يلس في البيت لين ما يلقى الوظيفة الرسمية…صح طبيعة بلادهم غير وهم مستعدين يشتغلون اي شي
تعرفون ليش هني ما يناسبنا؟؟؟لان نحن ما حاولنا ؟؟؟نعم الاغلب ما حاول ولا عودنا نفسنا والناس ان نشتغل اي شي … يعني في مواطن مستعد يشتغل صباغ لين ما يحصله وظيفه؟؟؟؟اكيد لا
ليش ما نكسر هاي الحواجز شوفوا اخوانا الخليجين في الدول الثانية
صح في ناس بدت بس بعد نحن في اول المشوار
اذا انتي تحبين الاطفال ليش متستوين جليسة اطفال او مدرسة خصوصية؟؟؟مب لازم انتي تسيرين
خليهم هم ايون لج البيت………تعرفين تخيطين…تتطبخين….الخ
تعرفون ان في شركة في الكويت لتنظيف السيارات اصحابها والي يشتغلون هم نفسهم وهم كلهم بعمر المدارس …مافيها شي
في الاف الاعمال الي الواحد ممكن يترزق الواحد منها
صدقوني اذا الله سد باب الوظيفة يفتح عشر بدالها ويمكن يكون خير لج
يمكن اداومين مكان يفتح لج ابواب من الاثام …يمكن الراتب يخليج تاخذين دين وتمين طول عمرج تدفعينه….و وايد اشياء يمكن رب العالمين راحمنج منها
وهو ادرى فيها
مابي اطول عليكم …….وهذا مجرد راي الشخصي
اذا طباخج حلو …. اطبخي وبيعي…..تعرفين اتسوين اكسسوارات بيعيهم على ربيعاتج و اهلج
تسلمين أختي
ووسائل الرزق عديدة
يكفي ان الإنسان يعرف ان الرزق من رب العياد مب من العبد وما ينتظر الناس تعطيه وانما يسعى
ربي يوفقج أختي 
أستغفر الله أستغفر الله
أستغفر الله أستغفر الله أستغفر الله
أستغفر الله أستغفر الله أستغفر الله أستغفر الله
أستغفر الله
أستغفر الله
أستغفر الله أستغفر الله
أستغفر الله أستغفر الله أستغفر الله
أستغفر الله أستغفر الله أستغفر الله أستغفر الله
أستغفر الله
أستغفر الله
أستغفر الله أستغفر الله
أستغفر الله أستغفر الله أستغفر الله
أستغفر الله أستغفر الله أستغفر الله أستغفر الله
أستغفر الله
وننتظر الباقيات