موعد ولادتي كان تاريخ 6 نوفمبر وبما أني ما ربيت بعدني قالت لي الدكتورة بتعطيني طلق صناعي بتاريخ 12 نوفمبر .. حد منكم جرب الطلق الصناعي عند الدكتورة عبير جرجاوي في الدولي الحديث .. خائفة وايد .. أخاف يتعسر الموضوع ويولدوني قيصري وهذا اللي ما اباه … خبروني عن تجاربكم
اما عن الطلق ماعندي معلومات كافيه عنه
والله يسهل عليج الغاليه وان شاء الله مايصبح عليج الصبح ولا ضناج بحضنج قولي امين
صج كثري من المشي والجماع وحليب بالزعفران
يا رب
لا تخافين من الطلق الصناعي هو مثل الطلق الطبيعي
انا خذته خلال ولادتي الثالثه و الرابعة وكان جداً مريح
اول شي تاخذين تحميله وتعمل لج الدكتوره توسعه لعنق الرحم وبعدها ترتاحين لمده ساعتين لمفعول التحميله ومن بعد الساعتين تمشين
وطبعا اذا حابه ممكن تقعدين في المستشفي او ترجعين للبيت
وتكونين حاطه في بالج بعد ٧ ساعات يبتدي الألم ومن بعدها تطلعين للمستشفي
نصيحه لا تتوتري ولا تخافي لانه يودر الالم
انا ولادتي الاولى تحريض + طلق صناعي لاني تاخرت بالولاده
ولادتي الثاني طلق طبيعي شفت الموت بعيني
الولاده الثالثه رقدوني وعطوني طلق صناعي لان فيني السكر وزن الجنين عالي
ونفس الشي الرابعه طلق صناعي لان فيني السكر ووزن الجنين عالي
وبصراحه الطلق الصناعي اسرع واقوي واحسن من لطبيعي
الطبيعي يذبح ويطول معاااااي
اتمني ربي يسهل على في هالولاده
والله يسهل علي وعليكم ويقومنا بالسلامه
مثل ما فادنج خواتي يزاهن الرحمن الف خير …
توكلي عربج و لاتحاتين …. الطلق الصناعي جربته فاول ولادة لي … وآلامه تستحمل… ما جربت ولادة طبيعية عشان احكم…
لكن كبجر ما صحت ولا سويت زوبعه …
الله يجدم لج اللي فيه الخير