الطريق الى القرية العالمية ؟؟؟

السلام عليكم

خواتي بغيت تساعدوني في طريق القرية العاليمية للقادمين من الذيد و هل الطريق يمر على بوابات سالك ؟؟؟ و اذا يمر هل فيه طريق بديل لا يمر على سالك ؟؟
ابغي وصف الطريق بدقة … و بعد اريد ان اعرف طريق العودة الى الذيد يعني وين اروح اي شارع و شو اللوحات اللي بشوفها في الشارع ؟؟
شكرا مقدما

للرفع ؟؟؟

وانتي يايه من الذيد بتشوفين تقاطع رقم 5 عند مصنع الاسمنت تاخذين يسار وتسيرين سيده بيليج دواار تاخذين يمين وبيعقج ع شارع الامارات وتروحين سيده كلما تروحين سيده بتشوفين لوحات مكتوب عليها القريه العالميه بالكيلوات لين ماتوصلين القريه وطبعا ع شارع الامارات مافيه سالك سالك داخل دبي بس ع شارع الامارات ماشي

ان شالله اكون افدتج

شو حبيبتي انتي امسكي شارع الإمارات وتمي على طوووووووووووووووووووووووووووووووووووول
طبعا ماراح تمرين على سالك لان هذاك بعد جسر القرهود …….
المهم حبيبتي تمي على طول لين ماتشوفين من بعيد محطة بترول على يسارج في موازات هالمحطة
يعني بالمقابل على ايدج اليمين راح يكون في فتحة روحي فيها راح يمشيج هالشارع من تحت جسر
تمرين من تحته وبالتالي راح تكون القرية في ويهج من بعد ماتمرين ……
طبعا في باركنات ال vip راح تكون اول فتحة من الباركنات وبالعادة الشرطة يكونون واقفين عنده وطبعا اذا ماكان عندج الاستكر راح تلفين وادورين لج باركن……
وطريج الردة نفس الشارع اللي يتي منه ردي منه……
واتمنى لج كل التوفيج……
ماعرف اذا شرحت عدل……

الغالية عشان ماضيعين الدرب امشي من الذيد كانج بتيين الشارجة وعند التقاطع الثالث اللي عند معسكر الفلاح خذي الفتحة اللي بتودي دبي (انتبهي الفتحة الاولى توديج عيمان فخذي الفتحة اللي عقب الجسر مباشرة )واللوحة مكتوب عليها دبي وبوظبي.
كملي فهالشارع سيدة لايمين ولايسار بيج جسر ناشيونال اطلعي فوقه(صح الجسر زحمة بس الشارع ان شالله ماشي) المهم كملي فالشارع هذا سيدة سيدة لين توصلين سوق الخضار مال دبي وبعد كملي سيدة.
بتبدين اتشوفين عاليمين لوحات مكتوب عليها أساطير بعد كملي سيدة وخذي سيد اليمين وبتشوفين لوحة القريةانها جدامج وبتحصلين بوابة القرية.الباركات الأولية للVIP احسن الباركات البوابة4 اجرب للقرى.

ودرب الردة لطلعت من القرية سيري ورا اللوحة المكتوب عليها دبي وتمي سيدة وبتبدين اتشوفين اللوحة المكتوب عليها الشارجة ونفس القصة امشي سيدة لين توصلين جسر ناشيونال واطلعي فوقه وسيدة سيدة لين توصلين معسكر الفلاح ابدي خذي يمين وبتحصلين لوحة المطار والذيد اللي هو امتداد شارع الذيد.

ودرب السلامة ان شالله

للرفع