اكيد الكل يعرف انه فيه مواضيع كثيرة نزلت في هالقسم تتكلم عن الكيراتين وتم البنت تمدح بالكيراتين وان الصالون الفلاني هو الخبير بهذي التقنية وما في حد يسوي احسن عنهم ، وانه المواد اللي يستخدمونها اهي مواد اصلية …. شي طيب … وانا بعد عالجت شعري بالكيراتين بعد ما كنت اعاني من الكشة اللي كثير من البنات عملوا الكيراتين بسبتها وانا بصراحة كنت سايرة اقص شعري واصبغة وما حاطة في بالي اني اعمل كيراتين رغم انه كثير من البنات يمدحونه … المهم سرت الصالون وهو صالون لا على التعيين مجرد صالون جنب بيت اخوي لان كنت عندهم واخذت حرمة اخوي معاي وسرنا … وعلى فكرة هو مو من الصالونات الغالية ولا الرخيصة بس صالون مرتب وراعيته حرمة مواطنة والصالون نظيف صراحة خخخخخخخ البنت تعمل دعاية …وتراه علاج الكيراتين الاصلي يبدا من 1000 درهم وطالع حسب طول الشعر .. والفلبينية اللي قصت شعري وصبغته قالتي : مدام ليه ما اعملك كيراتين بعد ما قصت شعري وصبغته مممممم قلتلها والمواد اللي تستخدمونها اصلية ؟ قالت اي مدام راعية الصالون اهي بنفسها تنزل تتشرى المواد وكلها تمام واصلية قلتلها خلاص هاتي العلبة اطالع صناعتها وين ؟؟ يابت العلبة وكانت من ماركة غلوبال الانكليزية وقريت التعليمات وكانت نفس التعليمات اللي خبرتني عنها العاملة قلت خلاص اعمليلي هالكيراتين وانشوف النتيجة قالت اوكي مدام بس تراه هو علاج مب تمليس يعيد للشعر رونقه وينطي تمليس بنسبة 80% قلت هذا اللي انا اباه المهم اخلص من الكشة وهو ماله علاقة بعلاج تساقط الشعر … واعملت الكيراتين وقالتلي لاتغسليه ل 4 ايام وتعالي انا اغسله بعد اربع ايام وصارلي الحين انا تقريبا اسبوعين من عملت الكيراتين ومرتاحة عليه وما عليه كلام وياب نتيجة معاي والحمد لله …وطبعا شريت منها الشامبو والكونديشنر منها .
المهم طولت عليكم بالسالفة ولكن كنت حابة اوصل لنقطة من كل هذي الهذرة واللي عرفتها من البنت عن الكيراتين يوم كنت استفسر منها وهو كيف اتعلمت تعالج بالكيراتين فقالت انه هي الشركة نفسها اللي يابت الكيراتين واللي هي مسؤولة عن توزيعه بمنطقة الشرق الاوسط هم بنفسهم عطوهم دورات بكيفية استخدام هذي المادة يعني كل وحدة تيلس تخرط براسك عن الخبرة ومدري شو تراه كلهم متعلمين من نفس الشركة المهم المواد تكون اصلية …
والسموحة اني طولت عليكم
وحابة الحين تطالعون هذا الرابط وهو من الموقع نفسه للشركة الاصلية فيه فيديو لطريقة عمل الكيراتين وهي نفس الطريقة اللي عملتها لي الفلبينة بالضبط وكان شغلها حلو ومرتب عسب تتاكدون ويكون عندكم علم اذا حبيتوا تعالجون شعركم بهذي الطريقة
وهذا نفس الفيديو على اليوتيوب
https://www.youtube.com/watch?v=DzKCy…layer_embedded
وهذي بعض الصورة بعد ان عمل الكيراتين بنفس اليوم يعني بعدها ما غسلت شعرها من نفس الموقع..
ان شاء الله تستفيدون وتلقون الاجابة اللي تبونها …
تعرفين مكان فالعين
تحياتي
آهآ شي حلوووو آن شآء آلله يستفيدوون منه آلبنآت المحتآيآت للتمليس .~
وشي طيب يومه يآب نتجيه ويآج وآستآنستى عليه 
بآلتوووفيج .~
