السلام عليكم و رحمة الله و بركاته
اليوم جبت لكم الطريقة الصحيحة لتنظيف البشرة .. اخذتها من وحدة فلبينية تشتغل بصالون لكم عارفين ان البشرة تحتاج تنظيف من وقت للثاني خاصة اللي يستخدمون ميك اب كثير
و البعض منا ما يتوفر له الوقت او القدرة للذهاب الى الصالونات او مراكز التجميل عشان كذا اختكم سلفوني قررت تساعدكم و تسهلها عليكم طبعا اكيد الطريقة بتختلف من صالون لثاني
سواء يكون اكثر او اقل خطوات المهم هاذي الطريقة بتعجبكم و اذا سويتوها اسبوعيا .. بتشوفون بشرة حلووة
ما ودي اطول عليكم بدخل بالتفاصيل على طول ولا : لازم تتوفر عندك الكريمات التالية :
-كريم للتنظيف العميق
-مقشر ..
-ماسك (قناع) ..
-كريم مرطب ..
اي نوع يناسب بشرتك طبعا .. هناك اكثر من شركة ممتازة ..
عندك مثلا شركة نيتروجينا
و شركة نيفيا .. بس ما ادري يتوفر منها قناع او لا ..
و شركة كلين اند كلير من جونسون
و شركة ستيفيز .. وهي المفضلة عندي
يتبع ..
طبعا بالنسبة للي .. استخدم العناصر التالية :
كريم التنظيف العميق من كلين اند كلير
مقشر من ستيفز
قناع من ستيفز
كريم الترطيب من ستيفز ايضا .. انا استخدم بالكولاجين مررة ممتاز
طبعا الكريمات اللي انا استخدمها تنفع لجميع انواع البشرة .. و هذا اللي يميزها
ثانيا : وفري العناصر التالية
* ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
انا معي هالنوع
* جهاز بخار للوجه ..
اذا ما عندك لا تزعلين .. لان في طريقة القدر
* فوطة
* ربطه تلمين فيها شعرك
* اسفنجة
حطي زبدية صغيرة فيها موية دافية .. و حطي الاسفنجة داخلها
بتفيدك عشان ما تضطرين تروحين كل شوي دورة المياة و تغسلين وجهك
* كاس حطي فيه قطع ثلج
قبل نبدأ : :
1- اول شي .. قومي بتشغيل جهاز البخار عشان يكون جاهز وقت الاستخدام .
2- ارفعي شعرك بربطة او طوق او اي شي .. عشان ما تحوسين الدنيا
3- خلي كل شي جنبك عشان ما تضطرين تروحين و تجين
و اذا ما كان عندك جهاز البخار .. انقلي الاغراض بالمطبخ .. لانك بتحتاجين الفرن
4- يفضل تقفلين المكيف الين تخلصين
بسم الله .. نبدأ بالطريقة :
* بللي وجهك بالماء ( عن طريق الاسفنجة و الموية الدافية)
* ابدأي بكريم التنظيف العميق
حطيه بوجهك و الرررررررررقبة يا حرام لا تنسوها .. و قومي بتوزيعه .. بررررررفق
بنات خلوا عنكم العربجة .. الا بشرة الوجة يبيلها ضغط خفيف .. دلع يعني
و بإتجاهات معينة عشان ما تتهدل بشرة الوجه مع الزمن
يعني يا حبيبات البي .. مهم تعرفين كيف تحركين يدك بخفة و بإتجاهات صحيحة
عشان يصير تنظيف و مساج بنفس الوقت ^_^
لاحظي معي الاتجاهات بالصور التالية
كنك توزعين كريم اساس بس لاحظي عند الذقن .. لازم تحركين ايدك بإتجاه الاذن
و الرقبة نفس الشي .. تحركينها لفووق
بالنسبة للمنطقة المحيطة بالعينين .. قفلي عيونك .. و حركيها بالشكل التالي :
لاحظي اتجاه كل عين عكس الثانية .. و دايما الفلبينية وهي تدلك وجهي .. تضغط جنب عيوني بقوة .. مو مرة مرة قوة ..
بس اقوى من التدليك العادي .. مثل هالصورة
استمري بالتدليك .. لمدة 3 الى 5 دقائق
شوفوا اوضح من هالصورة مافي :
هذا الرابط لطريقة التدليك مرررررررة رهيب .. اوضح من الصور .. عندك 11 خطوة
https://www.geocities.com/raheeel1/masaj.swf
المهم .. بعد ما تنتهين
امسجي وجهك بالاسفنجة زين .. و نفس اتجاهات التدليك يعني من تحت لفووق
* الحين حطي المقشر ووزعية على البشرة بدون تدليك .. فقط وزعيه
* بعدين يجي دور جهاز البخار
حاولي تقعدين فيه مو اقل من 10 دقائق و مو اكثر من 20 دقيقة
او على حسب الوقت اللي تتحملينه
اللي ما عندها الجهاز .. تحط قدر على النار .. و تجيب فوطة مثل هالصورة
و بعد البخار .. دلكي وجهك .. لا تنسون المقشر ما زال موجود على البشرة ما مسحناه
يعني سوينا بخار للوجه و المقشر موجود عليه
دلكي وجهك بنفس طريقة المساج الموجود بالصور و مقطع الفلاش
*****تجنبي المنطقة المقاربة للعينين *****
بعد 5 دقائق .. امسحي وجهك بالاسفنجة
* اعيدي الخطوة الاولى مرة اخرى .. اللي هي كريم التنظيف العميق .. حطي الكريم و دلكي وجهك مرة ثانية لمدة 3 الى 5 دقائق ثم امسحي وجهك مرة اخرى بالاسفنجة بس حاولي تمسحينه زين هالمرة او تغسلينه بدورة المياة بالماء بس .. اغسليه زين
خلال روحتك لدورة المياة .. فرصة انك تجددي الموية اللي فيها الاسفنجة
* هاتي ابرة تنظيف الوجه .. و اضغطي على اماكن تواجد الزيوان الوسخ يعني .. و اللي غالبا ما يكون في الدقن و الانف و الجبين .. اضغطي الابرة برفق على هالاماكن
امسحي وجهك بالاسفنجة
* هذه الخطوة اختياريه .. وهي انك تحطي خلطة لتغذية و نضارة البشرة اذا كان عندك خلطة تحبي تستخدميها .. البطاطس المخلوط بالخلاط حلوو للهالات السودة تحت العين
خليه بالوجه 10 دقايق او اكثر اذا انتي رايقة ^_* حطي الماسك على الوجه : يا أما ماسك طبيعي .. اي ماسك يناسب وجهك
هذا رابط للاخت ام روز فيه ماسكات مجربه
احلى ماسك طبيعى استخدمته – مدونة عالم حواء
و خليه من 10 الى 20 دقيقة .. ثم اغسليه
او ماسك جاهز
المهم حطي الماسك .. ووزعيه على وجهك .. ما عدا المنطقة العيون و منابت الشعر و الحواجب
تقدري تحطين شريحتين خيار على عيونك
في انواع كثيرة للاقنعه في نوع يجف و يغسل
مثل هالصورة اللي فوق
وي نوع مثل الجل .. يجف و يزال بالسحب
بس حطي طبقة مناسبة .. لا تكثرين مرة و لا تقللين مرة
المهم انك ما تقللي .. لانك لو قللتي بيتقطع و يصير صعبة ازالت
* بعدين خذي الثلج و مرريها على وجهك الين تذوب
في بنوتات حلوات يحطوا موية ورد في مربعات الثلج و يحطوها بالفريزر و يستخدموها لهالمرحله
و كلكم تعرفوا موية الورد وشكثر حلوة للوجه
* حطي الكريم المرطب على الوجه
و مبروووووووووووووووووك خلصنا
دعوااااااااااااااتكم
روعه الموضوع .. تسلمين الغاليه