بنات ادري وايد مواضيع عن الفحص الطبي للزواج بس الكلام ملخبط وفي تضارب كبير
انا بسال عن الفحص الطبي ( في الطب الوقائي فبوظبي)
بنت عموتي رافضه تماماً انها تروح معاه حتى لو اخوها معاهم لانها تستحي وايد
عادي تسوي بروحها وهو بروحه
وفي الاستلام ما تبي تروح معاه بعد عادي هو بس يستلمه او حد من الاهل او هي ولا لأ
ولا لازم لازم لازم الاثنين سوه ..
وهو من اماره ثانيه بس بيي هني يسويه ..
لكن هل عادي يسوي فأمارته ولا في مشاكل معينه
وكيف نتاكد يعني اذا عادي ولا لا …
بس في الطب الوقائي مال بوظبي بليز….
ان شاءالله بنات بوظبي يفيدونج ……..
والله يكتب لها الخير
دعــــواتج
هيه اختي عادي وتاكدي بعد اكثر من مركزالطب الوقائي نفسه
اختي انا من اسبوعين مسويه الفحص ريلي من اهل العين هو روحه سوى وانا روحي في ابوظبي وعادي مب شرط يسون ويا بعض واساسا هي بيزقرونها روحها وهو روحه حتى لو يو ويا بعض والفحص اساسا سحب دم يعني مايأخذ دقائق والدكتورة راح تسألها كم سؤال عندج حد من اهلج عنده امراض وراثية ثلاسيميا وانت تردين عليها وانتهى الموضوع …
للرفع ..
الله ييسر امورها ويتملها على خير
اظن كل واحد يسير بروحه ما في مشكلة
اتصلي بالمركز واسألي عالتليفون احسن
وبالتوفيق
اتصلي بالمركز واسألي عالتليفون احسن
وبالتوفيق