بنتي بإحياء لها خنس ايام وتطلع من الاربعين. وكله تصيح من الغازات أحاول أعطيها ينسون. وانسخها بزيت الزيتون الدافيء ومن امس أعطيها قطرة انفكون. وبعد خصمها دوم مسكر وما تروم تتنفس عدل وأعطوها قطرة الانف normaline.
حبيت اعرف الصياح يستمر لجم شهر ع الحال. والله تكسر خاطري لتصبح وتنتصر. واحيانا افكر وأقول يمكن أنا كن أصيح يوم حامل فيها بس مش طول الوقت. كانت تيني حاله كآبة وبس بحي الوق اكون مستأنسة.
الحل خواتي أفيدوني. الله يخليكم. وللعلم بنتي قاصر يبتها في اخر الثامن.
بنتي باقيلها اسبوعين وبتكمل الاربعين
الصياح في الشهور الثلاثة الاولى عادي بس اختي حاولي ما تخلينها تتعود على الصياح بتم دوم تصيح
يعني حطيها في حضنك واقري عليها لين تنام في هذا السن يبون يلصقون في امهم مثل البطن
بس علشان الغازات دايما بعد الرضعه خليها تتكدا واعطيها شاى الاعشاب من الصيدليه بيهديها
واشربي انتي شاى ينسون مع سنوت وزعتر دايما علشان تروح الغازات منك وبستفيد بنتك من الاعشاب اللي بتنزلها من حليبك
اتمنى اكون افدتك وما طولت عليك
ماكله جبدي من الصياح
وكله تباني اشلها
وخشمها مسدود وديتها مستشفى النور عطوها قطره apisal
الله يصبرنا يارب
ان شاء الله من يكملون شهرين ييخف ومن يكملون الثلآث يخوز عنهمم 
استخدمي نعنآع وكمون
وفيه امبرس بالشمآر منذ الولاده يهدي الصغآريه بس بنتي كل مآ اعطيهآ تزوع الاولى والتآلي ..فيه احد ينآسبه وحد لآ
أعطيها شاي الأعشاب بالبانوج او الشومر بترتاح
وسويلها مساج لبطنها وبين اجتافها وان شالله بترتاح
ويبيلها من الصيدليه بخاخ الانف اوشين سبراي هذا أحسن نوعيه للرضع عن تجربه وسهل الاستخدام ومايعور لما تبخين داخل خشومها
وشفاط بايجون عسب لاتخنق اشفطيلها من الداخل
وان شالله بترتاح