الصراحه قمنا أنخاف على ريايلنا والسبب

السلام عليكم ورحمة الله وبركاته

خواتي الصراحه قمنا أنخاف على ريايلنا والسبب ها البنات اللي يشتغلن في الاماكن المختلطه واللي ما يخافن من ربهن

كل يوم والثاني اقرا موضوع ولا اسمع قصه عن وحده تشتغل في مكان مختلط وحبت الموظف اللي وياها .. أبا أفهم أنتي سايره تشتغلين ولا سايره تغازلين؟

أعتقد من المفروض ان الوحده اذا اشتغلت في مكان مختلط تشتغل بذمه وضمير وتحلل راتبها مب تسير وعينها على فلان وعلى علان .. لا واللي تقول عندي زميل ودايما أسولف وياه !!!!!!!!! هاذي احسها صدق قويه .. ماخفتي من ربج اللي باجر بيسألج وبيحاسبج على أعمالج؟

ماتدرين ان ها الشي حرام ومايجوز؟

واللي يقهرني اكثر اذا كانت تدري ان ها الانسان متزوج ولا خاطب ومع هذا تسولف وتخربط وياه وياريت بس سوالف في الدوام الا وصلت السالفه للمكالمات والمسجات

بنات انا ما أعمم انا أقول بعض البنات .. لان في بنات ماشاءالله عليهن محترمات وخايفات ربهن وماعندهن ها السوالف .. ومحتشمات في كل شي في لبسهن وفي مشيتهن وفي كل تصرفاتهن

بس اللي اقصدهن هن البنات المتبرجات واللي مايخافن الله واللي ظحكتهن وصوتهن يوصل لأخر الممر

وفي النهايه أحب اقول لها النوعيه من البنات اللي وايد ياخذن راحتهن ويا الموظفين ترا لا تعتقدين انج بتصرفاتج هاذي بتحصلين على الزوج اللي تحلمين به ترا الشباب مايحبون ها الحركات واذا شفتي واحد منهم يظحك ولا يسولف وياج تراه بس يالس يضيع وقته معاج لان ها الحركات خلاص اصبحت مكشوفه وشبابنا أشبعوا منها والدليل اذا فكر الواحد في الزواج سار يدور له على وحده عمره ما كلمها ولا كلمته

فكبروا عقولكم أحسن وتركوا عنكم ها الخرابيط اللي ماتودي ولا تيب وحافظوا على سمعتكم لانكم في النهايه بنات وكل شي تسونه محسوب عليكم .

الله يهديهن إن شاء الله ، بس اختي هالشي مو بس في الدوام حتى في المراكز والأسواق وانتي ويا ريلج وعيالج تشوفين البنات عينهم على ريلج ولا جنج واقفة .
الله يعينا

صدقتي الغاليه اللي يخاف ربه بيحافظ على نفسه وعلى سمعته وأخلاقه لكن للاسف في ناس مايخافون ربهم وماخذين الدنيا لهو ولعب .. ماقول غير الله يهدي الجميع .. مشكوره حبيبتي اسعدني مرورج

لاحول ولا قوة الابالله
الله يهديهن بس
هن عارفات انه اللي يكلمنه هب مسوي احترام لهن بس هن ما خذات الشي للتسلايه الله يهديهن

هيه والله في هاذي صدقتي .. اسميني امووووووووووت قهر يوم اسير ويا ريلي مكان ويتمون البنات يطالعون ريلي والله اني اسبهن في قلبي من الحره .. أعوذ بالله منهن تقولين في حياتهن ماشافوا ريال ..مشكوره حبيبتي اسعدني مرورج ^_^

الله يهدي الجميع .. تسلمين الغاليه اسعدني مرورج