حبايبي ها أول موضوع أكتبه وأتمنى أحصل منكم أقبال عليه…
بختصر موضوعــي..أنا أنسانه معرسه من سنتين ونص وعمري 24 سنه ..حملت مره وحده عقب العرس ع طول بشهر تقريبا…وللاسف صار لي حمل خارج الرحم..أ فالبادي سرت عند دكتوره أسمها نهله وقالت لي بسويلج عمليه وبشل لج الحمل ماقتنعت برمستها لأنه كل ماسيرلها اتيب لي موضوع وتزيغني أنا روحي ماستاد…المهم من عقبها سرت عند وحده اسمها أوراس أظن الكل يعرفها وأول ماكشفت عليه قالت لي روحي ع طول مستشفى الوصل..وسرت وتنومت هناك…قالو بيعطوني أبره علشان ينزل الحمل..المهم جسمي ماستجاب للأبره فقرروا يسون عمليه ويشلون قناة فالوب الي مستوي فيها الحمل…
خواتي أنا الحين عندي قناه وحده ومن فتره رحنا أنا وريلي وجيكنا من أول ويديد والحممدلله كل شي اوكيه وياه وانا جيكت وقالولي انه القناة الثانيه مفتوحه وسليمه والمبايض عندي والله الحمد اوكيه…كل ماروح عند دكتوره تعطيني كلوميد ولا كلوكوفاج ولا فلو كسد..وحد قالي روحي عند مطوع وبلفعل رحت..
تقريبا من سنتين ونص ونحن انراكض من مستشفى الين مستشفى..آخر شي قررت أروح مستشفى الاخصاب الي في العين كمن وحده مدحتلي اياه وحملن…
فديتكن الي تعرف دكتوره عدله ولا مستشفى عدل بكون شاكره لها …لاتحرمنـــي من ردودكن ترى والله قلبي يعورني يووم اشوووف ريلي يطالع الصغاريه ويلاعبهم وهو من داخله يتقطع…
اللهم ارزقنــــي بذرية الصالحه ورزق كل محرومه يارب…
كل شي بارادة رب العالمين والله يرزقج بالذرية الصالحة
ليش ما تخلين حرمه تمسحج يمكن عندج نزول ..ترا دام كل شي سليم ما عليج غير الدعاء و الاستغفار و الصدقه
سرت عند كم وحده عشان تمسحني بس ماصاار شي لين الحين
ان شاءالله احمل قريب…دعواتكم لي..
لا تكثرين منهم مب زين
خلي إيمانج بالله قوي ولا تتوترين جربي مركز الأخصاب اللي قالت عنه نجمة العالي
والله يرزقج بالذرية الصالحه وماعليج إلا بقراية سورة مريم