الشهور الأولي من الحمل ساعدوني

مرحبا خواتي

بغيت مساعدتكم الحامل اول ما تكتشف انها حامل في الشهر الثاني
شو التحاليل والاشياء المطلوبه عليها تسويها عشان تتأكد ان الطفل سليم وان الحمل صحيح مافي اي مشكله

ووممكن اعرف متى يبدا الوحام

ياليت خواتي تساعدوني واذا في اي نصيحه
ويزاكم الله كل خير ووفقكم في حياتكم

اول شي الوحام يبتدي في الأسبوع السابع او السادس يعني 40 يوم من تاريخ اخر دوره

والبيبي يشفونه بالاسكان اذا كان الحمل خارج الرحم او خارجه بعد فالاسبوع السابع تقدرين تتاكدين

الوحام يبدأ بنص الثاني

اما عن التحاليل انا ما سويت غير السكااان عسب اتأكد اذا سليم والحمدلله

كيس البيبي في الاسبوع الخامس
البيبي والكيس في الاسبوع السادس
النبض في الاسبوع السابع
هذا الي اعرفه

الوحام يختلف من واحددة لواحدة ممكن ما تحسيش بوحام خالص و السونار فى الاول هوة اللى يبين حالة البيبى و الحمل بشكل عام

الوحام اشكال والوان .. ممكن وحامج يكزن خفيف .. وممكن يكوون ثقيل ومتعب جدا …. طبعا اعراضه الد وخة واللوعة والاستفراغ وطلبات غريبة تبين تاكلين وايد .. خخخخخ ….. واحيانا يتاخر الوحام الين الشهر السابع والثامن عادي يصير… بس المهم انج تصبرين والله يسهل عليج …. وعلى الجميييييييييييييع

هلا حبيبتي
يبدأ الوحام عادة من الأسبوع السادس من الحمل ويزيد حتى نهاية الأسبوع 12 وبعدين يبدأ يخف بالتدريج، هذا عن تجربة وطبعاً الوحام يختلف من وحدة لوحدة يعني ما شاء الله في ناس ما تحس بالوحام وفي ناس على طول تعبانة ودايخة.

وبالنسبة للبيبي فالسونار اللي يبين وضع الجنين وإذا هو سليم وإلا لا (بعيد الشر عنج يا رب)

توكلي على الله وإن شاءالله ييسر أمورج ويثبت حملج يا رب