السياقة

السلام عليكم و رحمة الله و بركاته
ادري موضوع في المكان الخطأ بس دورت ما عرفت وين احطيه
الموضوع للاستفادة و هو عن السياقة و خاصة على الدوارات وايد واجهت مشاكل في السياقة في الشارع ممكن تفيدوني اكثر و عن تجاربكم و تفيدون الاخرين

ينقل للقسم المناسب

لوتوضحين شوه المشكله بالظبط

اذا في الامتحان لازم اتشوفين المرايات الي ع جنب والي وسط ،،،
وتلزمين الشارع الي ع اليمين في حالة ما قال الشرطي روحي يسار او وسط
وتكونين واثقه من نفسج

يعني اذا قالت لي المدربة سيري دوار سيدة اسير دوار يسار يعني في الدوارات ما اميز بينهن و من زود الاتباك في الدوار ما اشوف السيارات اهم شي اظهر من الدوار و بعد احس سيارتي تلصق في الرصيف شوي

بخصوص مسالة الرصيف لاصق فيه السياره .. صح اول شي ما تعرفين المقاسات
بس لو فتحتي باب السياره بتشوفين تقريبه مسافة متر بين السياره والرصيف

اذا قالت لج خذي الدوار يمين >> تمسكين الشارع اليمين
الدوار سيده>> تمسكين الشارع يمين في حالة ماكان فيه مجال تاخذين وسط وبعدين الدوار سيده

اذا قالت لج خذي الدوار يسار او ترجعين >> تاخذين الشارع اليسار

"" وطبعا فيه لا تنسين الاشارات""

بالنسبه للسيارات افي الدوار لا زم تشوفين جهة اليسار والاولويه اتكون للسيارات الموجوده في الدوار .. بعد ما تمر السيارات ادخلين انتي الدوار

والدوار فيه مسارات يمين ويسار >> اذا قبل لا تدخلين الدوار كنتي ماسكه الشارع يسار .. في الدوار تاخذين المسار اليسار الي هو قريب من الدوار

اذا كنتي ف دبي ف فالمعاهد يعطونج محاضرات
وكتاب يشرح المشاكل وكيفية حلها، والارتباك
انتي لازم تتغلبين عليه وقت السواقه لانه الكلام
غير والتطبيق غير، ركزي وان شاء الله بتعدي
امورج ع خير بس حطي ف بالج انه الالتزام مب
وقت التدريب بس . .

الله يوفقك ان شاء الله