السكراب بليز

مرحبا
خواتي انا اشتريت سكراب للجسم بس مب عارفة طريقة استخدامه فديتكن لو تنوروني كيف استخدمه وقبل الشور وللا عقبه ؟؟
لان حد يقوللي عقب الشور وحد يقوللي قبل وانا الحين موب عارفة فديتكن خبروني اللي معاه فكرة

عن نفسي استخدمه بعد الشور

ويكفي مره لمرتين بالاسبوع واهم شي الترطيب

اسويه عقب الشور / بطريقتين:

لو كان لسكراب ناشف استخدم وياه زيت خاص حق السبوح وعقب اغسله بماي وبس
ويتم اثر الزيت وريحته
يعيبني زيت اللوز من L’occitane أو زيت عطر valentino
ريحتهم حلووووه

ولو كان السكرب كريمي استخدمه نفسه، بدون اي اضافات واغسله عقب وبس

تسلمون خواتي ع الرد
يعني مايصير استخدمه كل يوم ؟؟؟؟

لا ما يستخدم كل يوم يفضل اكثر شي 3 مرات بالاسبوع عشان ما يسبب جفاف
والبشرة كل 21 يوم تتقشر طبيعيا سبحان الله فزيادة بسكراب يفضل مرتين الى 3 مرات اكثر شي اسبوعين
مع الترطيب اهم شي بعده

من وين اشتري السكراب

مره ف الاسبوع كفايه وانا احطه بعد البودي باث وعقبه لوشن لانه يسوي جفاف شوي

عاشينه السكراب بتحصلينه ف صيدلية بوتس وبودي شوب ومحلات عنايه بالجسم