السكاي ووردز طيرات الامارات

SkywardS
مرحباااا خواتي عندي كمن سؤال عن السكاي واردز
1- اذا انا ابي اسوي السكاي وردز من الموقع كيف اقدر احصل الكارد (البطاقة) مال السكاي وردز ؟
2-واذا بسويها كم تكلفني ولا هي فري (مجانا) واذا فري شو المقابل ؟ هع
3- واللي عندها ممكن تخبرني عنها اكثر
يسلموووووو
امانة اللي اتعرف اترد عليييه يزاكن الله الف خيير

انا سويتها في الطيارة
وتسجلين كل سفراتج فيها يا من المقع او تتصلين الهم وتضيفين الرحلة
وهيه فري

تجمعين عدد نقاط وتشترين ابهن تذاكر

واذا عندكم بعد يزا بنك الامارات الاسلامي
كل ما تصرفون ابها تحصلون نقاط

الصراحة انا استفدت منها وايد

وتقدين تحجزين تذكرة سياحيه وتسوين ابقريد بالنقاط الي عندج وتاخذين بزنس

1- اذا انا ابي اسوي السكاي وردز من الموقع كيف اقدر احصل الكارد (البطاقة) مال السكاي وردز ؟

تسجلين بياناتج في الموقع وبعد ما تخلصين تطلع لج بطاقه فيها الاسم والرقم تطبعينها وتحتفظين فيها وكا ما تسافرين وتحجزين تعطينهم الرقم يدخلولج نقاط فيها او من كاونتر المطار ويا التذاكر او بعد ما تردين من السفر على طول تتصلين وتعطينهم الرقم

بعد ما اطلعين البطاقه اذا سافرتي مرتين على السياحيه بيطرشولج بطاقه اصليه على البريد بدال الورقه اللي طبعتيها واذا سافرتي مره على البزنس بيطرشولج البطاقه
2-واذا بسويها كم تكلفني ولا هي فري (مجانا) واذا فري شو المقابل ؟ هع

البطاقه فرى بدون مقابل

ررررررررفع

تسلمووون خواتي ماتقصرون

يستوي ادخلين النقاط عن طريق النت ؟؟ و كيف
ولا لازم اتصل لهم .. ولا اعطيهم اياها فالمطار

اذا حجزتي من النت ادخلين من النت او من المطار عند كاونتر التذاكر

او بعد ما تردين من السفر اتصلي فيهم وقوليلهم بيدخلولج