السفر إلى اليابان

-_- الياااااااااااااابااااااااان
اختيار رائع وموفق…جهزي الميزانية
أول شي الغالية …سيري طلعي كشف حساب من البنك …
وشهادة راتب…
هذي أول خطوة علشان تطلعين الفيزا….

وإن شاء الله بعطيج كامل التفاصيل على الخاص مثل ما طلبتي لتجربتي سنة 2024
بعطيج أسماء الفنادق لأنج لازم تكوني حاجزة ومخلصة الحجز علشان تقدمين فاوجر الحجوزات مع كشف الحساب…بعد ماتعبين الفورم

هم شوي اجراءاتهم معقدة بخصوص دخول اليابان…
وأعرف ناس رجعوهم من قبل لا يدخلواحتى….
يعني لازم تكوني مستعدة وأوراقج كلها جاهزة وصحيحة….

بس تحركي من الحين إذا ناوية لأن ماشي وقت للفيز……

وبداية أنصحج تدخلين على Asiarooms
لأن كل الفنادق حجزناها من هناك …وهو الموقع الوحيد اللي حصلنا فيه أسعار مناسبة…

بالنسبة للطيران على الإمارات لأن كانوا توهم فاتحين خط أوساكا وكان عندهم عرض لقطة….
وعلى فكرة أوساكا عجبتني أكثر من طوكيو …ومنها ممكن تسيرين وايد مناطق حلوة …
أحلى مكان عجبني هو Kyoto و Nara
والتنقلات بين المدن كلها كانت بالقطار JR

اعتمادنا في المعلومات طبعاً كان على كتب Lonley Planet
الطبعة اللي عندي لسنة 2024 لأني اشتريت الكتيب في 2024
بس أعتقد انهم نزلوا طبعة جديدة ….
وانصحج بالكتيب لأني كل الترتيبات سويتها من الكتيب وبناءاً على نصايحهم…

بالنسبة لوين ممكن تسوين ترانزيت …انصحج بسريلانكا وهذا اللي سويناه ^_^

والكاثي باسيفيك بعد تروح بس أعتقد توقف في هونغ كونغ… أو تايبيه صراحة مش متذكرة..

بالنسبة للجو بيكون معتدل يعني في العشرينات..والحلو إنج ممكن تشوفي الخريف هناك ^_^

ممكن تدخلين على المواضيع المتميزة مثبت …وتشوفين رحلة أختي أمورة لليابان وااااايد بتستفيدين لأنها ماشاء الله كفت ووفت…

بعطيج كامل التفاصيل والميزانية وكل شي إن شاء الله …
بس حطي في بالج الميزانية تكون من 70000 درهم ورايح ..
الرحلة لمدة 10 أيام تكملت 80000 درهم بس لليابان…
وسريلانكا طبعاً عكسها رخييييييييصة وكلفتنا 12019 درهم…لمدة 5 أيام

انتظري مني رسالة في اقرب وقت -_-