الزوج ومسنجر البلاك بيري

مب عارفه شو اقول لكم
لكن بديت احس بالغيره والشك
يقطع فيني
عندي احساس ان ريلي يعرف وحده
غيري دوم محطي صورته او صورة بيزات او
كلمة احبك او صورة بنت
بصراحه احس اني بنجلط من تصرفاته
واللي يقهرني يطلع متضايق ويرجع مستانس
اقعد اقول بخاطري شو اللي سواه برع وخلاه يستانس
وقلت بفتش تلفونه لكنه مسوي له رقم سري
واهو طول ما اهو قاعد معاي يمسك تلفوني وتلفونه
بحجة انه يجرب برامج جديده
ويفتش مسنجري يشوف اللي ارمسهم بنات او شباب

خبروني كيف اتصرف معاه انا فعلا شاكه فيه
حتي اني خليت بنتي جاسوسه عليه

كيف تضبطوا اعصابكم

الله يعيينج الصراحه مالج الا الدعاء له والتقرب اليه
لان ريال الخاين العله في دمه والله يتوب عليه يارب
حسب مااقراء والله اعلم انتي شيلي من راسج الوساوس والشكوك
علشان ماتتعبيين وهييئ له الجو بلبيت عصب لا تخلينه يلجئ لخارج البيت

الله يصلحج لا تتجسسين عليه لانه مب زين

مب لازم تعرفي اذا يعرف وحده ولا لا المهم ركزي على موضوع الدين والخوف من الله عسى يرد عمره عن المعاصي لان اذا رد عمره خوفا منج بيسوي من وراج بس اذا بيرد عمره خوف من الله ما راح يسوي شي لا وراج ولا جدامج
الله يهديج ويهديه ويصلحكم

حبيبتي ..

الشك هذا آرميه صوب ..

مآ بينفع الشك يا حبيبتي ..

ولو هو فعلاً فعلاً يخونج ..

أنا بقول لج شو تسوين ..

أول شي : آلزمي الإستغفار بـ نيّة أن رب العباد يهديه ويصلح باله وبالج

ثاني شي : آلزمي قرآءة سورة البقرة وحطي نية أن الله يسخر لج ريلج لمآ تقرينهآ "وبتحسين بالرآحه"

ثالث شي : قيـام الليل حبّوبه ,,

ومآ بينفعج لآ حرق الأعصاب ولآ غيره ..

حطي في بالج دوم أن كل مآ كآنت علآقتج بربّج قويّة كل مآ ربّج بيسهّل لج أمورج كلهآ

وقولي في خآطرج وحطّي هالكلمه في بالج دوم ..

"" لو ريلي فعلا يخونّي عسى ربي يهديه وأنا مآ بخسر شي لأن رب العالمين أدرى بحالي وأعلم بالظالم والمظلوم ^^ ""

صدقيني بترتاحين وآيد وبتشوفي نتيجة هالكلام إذا طبّقتيه ..

كل الأفكار السلبية حآولي تفرغينهآ بـ كثرة الإستغفار والتسبيح والتهليل والحمد والصلآة ..

و عسى ربي يهدي ريلج ويسخره لج حبيبتي ويبعدكم عن كل شر ^^

والله الصراحه ماعرف شو اقولج .. بس حاولي تقولين حق ريلج ليش حاط رقم سري ف تلفونه دام مافيه شي ليش يحط باسوورد

بس حرام في شي ماعيبني لادخليين عيالكم في مشاكلكم
يعني انتي اتقولين خليتي بنتج جاسوسه
حرام والله البنت بتم اتفكر ليش امي تتجسس على ابوي وممكن تحقد ع ابوها انتي ماتعرفين شو الي بستوي

بس نصيحه لادخلين عيالكم ف المشاكل

وانتي حاولي تحلين المشكله ويا ريلج باسلوب حلو يعني لاتدخليين ف الموضوع وانتي معصبه او باسلوب ضرابه

وان شاء الله يارب مايكون الي ف بالج والله يبعد عنكم كل شر

الله يهديه