الزوج ،،والأطفال،، والحياة الزوجية !!!!!!!

مرحبا خواتي

من خلال تجاربكم الخاصة أو على مستوى الحياة الإجتماعيه
هل يتغير الزوح ويلين بعد انجاب الأطفال؟؟
هل تتغير أنانيته ويصير عنده مراعاه لشعور المرأة؟
هل وجود طفل يلزم الزوج بالإحساس بالتعاون والمشاركة في مسؤوليات المرأة في البيت ولو على مستوى بسيط؟

هل تخف غيرته وسيطرته واحتكاره لحياة زوجته؟؟
بالمختصر،؛ كيف كان تأثير وجود الأطفال في حياتكم الزوجية؟

يعتمد عزيزتي على مدى نضج ووعي الزوج وادراكه للمسؤليه يعني يختلف من شخص لاخر

لكن بشكل عام تصبح الحياه الزوجيه اكثر ترابط وبنفس الوقت تحتاج بدل مجهود اكبر من الطرفين وخصوصاً الزوجه

لان وجود الاطفال تعني انشغال الزوجه ويقل نسبيا الاهتمام بالزوج

واتكلم هنا عن الزوجه الي تكون حريصه على بيتها بشكل مباشر وغير معتمده على الشغالات بمعنى تشرف عليه بشكل مباشر

ناهيك عن لو كانت عامله فضغوط الحياه تكون اكبر بوجود الاطفال وبالمقابل الزوج الناضح والواعي تلقيه مشارك للزوجه ويساعدها ويتحمل معها المسؤليه

وبعض الرجال للاسف يتنصل من واجباته فيترك كل شيء على الزوجه تحت ستار انا اشتغل خارج ويكفي اوفر الماده

تحصلينه طول يومه خارج وهي مشغوله بأطفالها مع انه ما يقوم به ما يجي شيء قدام ما تقوم به الزوجه الام وهاي فئة معينه مب الكل طبعا
اما عن الغيرة تقل بشكل كبير بعد وجود الاطفال يعني مثلاً قبل ما كان يخليها تخرج بروحها لكن مع الزمن يتغير الوضع نسبيا مع بعضهم ً

لا متزوجين من 6 سنوات وبعده مثل ما اهو ما تغير

الله يحفظج اختي يعتمد على الزوجة بالدرجة الأولى

من ناحية شعوره بمسؤوليات البيت و دوره ف البيت هذا من زمان انا ساحبة ايدي من الموضوع من اول الزواج و عودته انه يكون اساس البيت
من ناحية السيطرة و التحكم و الغيرة و العصبية انا بصراحة اللي عندي خف علي من اول حمل لي
و الحمد الله و كان عصبي نااار وما يخليني اطلع وايييد و خف واييدددددددددددددددددددددد

و يوم اليهال موجودين خلي اليهال يهتمون بابوهم و جي وما يسون حشرة
و يسألون عنه بوجوده و يعطونه اهتمام و ممكن تعلمينه رسم و يرسمونه و يكتبون عبارات حلوة و شوي شوي يلين الزوج

و ممكن تسوين حركات مثلا تاخذين شور ساعه و تخلين الياهل عند الاب بشرط ما في حد غيركم ف البيت و يتوهق فيه و يتعلم يسكت الياهل او يبدله او يزهب له الحليب
( انا عاد اكثر من ها الحركة عسب يتعلم و يتعود ع اليهال
و خلى يدق علي باب الحمام لين باجر ما اطلع و اكمل سبوحي و سنفرتي و الماي الدافي هههههههه)
او مثلا يوم تصلين صلي ع راحتج وماله داعي تركضين ف الصلاة و لو صاح الياهل خلج عادية و ابوه موجود بيسكته يعني لا تعتمدين ع نفسج و تقولين وحليله يصيح و ابوه قاعد
بيسكته بلعبة و لا بمرضعة ولا بمصاص ولا باي حركات بهلوانية

و بتلقين شوي شوي بيتعود الياهل لو عمره شهرين او 6 شهور ع ابوه

و كل شي يبغي له مكر و خبثثث
تبغين تغيرين ريلج للاحسن و يكون زين معاج و مع اليهال
يبغي له مكككككككككككر
وصبر و دبلوماسية و تكونين بادرة شوي عسب تحصلين اللي تبغينه
و تبتعدين عن العصبية و تسامحين و تخلين قلبج وسيع

ممم تقريبا نفس ما هو من خذته لين اليوم الحمدلله مب مقصر لا فيني ولا فبيته ولا حتى عقب ما يبت بنتي

من يومه بيتوتي ويحب يقعد فالبيت وعقب البنوته نفس ماهو ..

ومن ناحية الغيره والتحكم ممم يمكن صار اكثر متفتح شششوي يعني طلعاتي وجي

بس الغيره بعد نفسها ما تغير الغيره المعقوله ويمكن صار حنون بزياده خخخخخخخ

مادري يعني احس نفس ماهو ماتغير

شوي مو كتير

طبعا الانسان المسؤول او اللي متحمل المسؤولية بيكون قد الحمل سواء بوجود اطفال او لا
لكن خلينا نرمس عن الشخص اللي حياته اغلبها تتمحور حوالين نفسه
انا بقول اغلب الرياييل يستوي عندهم حس للالتزام بوجود الطفل
ولكن الريال يحتاج دائما الى توجيه
شراتنا احن الحريم
يعني الرياييل يمكن ما يوعون ان اولادهم محتاجينهم حتى لو عمرهم سنة
ويعتقدون دام ان عيالهم يهال فلازم يتمون ويا امهاتهم فقط
ولكن هالشي غلط وخاصة للاولاد منهم لانهم يجحتاجون الى مثال رجولي يحتذون فيه

وطبعا الريال من احتكاكة بعياله تتغير نظرته لحرمته
ويشوف فيها مو فقط الزوجة او العروس الحلوة
وبعد يشوفها الام الحنونة راعية البيت المسؤولة شراتها شرات امه

ومن تجارب شخصية وعائلية
يعطيها حرية اكبر
لان الالتزامات تكون اكبر
وهو ما يروم يسوي كل شي برروحة
مثلا من مشاوير عيادات وتسجيل ومولات وتشري و و و
فعلا في رياييل مو يتغيرون الا يتحولون وللاحسن بوايد

ولكن للاسف البعض اسميه بوطبيع اللي ما ييوز عن طبعه