الزواج التقليدي ام .

السلام عليكم ورحمه الله وبركاته

شحالكن خواتي ؟؟

الكثير من المعرساات يقولن انا عرست عرس تقليدي ..

عندي كم سوال ؟

يعني هل يجووز اني احبه وكلمه قبل العرس ؟ >> طبعا لا

عيل كيف بعرفه وبعرف طبعه ؟

هل بسوال عنه ..

مثلا : لو حد يا وخطبج .. كيف اروم اسال عن الريال .. وبسال منو ؟ خواته ..نستحي نسالهن .. بيقولن متخبله على العرس ..الخ

وايد من الحريم يشتكن من طبع ريايلهم بعد الزواج " في نظري كل انسان له عيوبه ومميزاته "

حبيت اناقش معاكن هالموضوع ..

وابا اعرف رايكن ..

و اهل البنت هم اللي يسألون عن الريال سواء في دوامه او ربعه او اهله ^___^

انا خطبني ولد خالتي .

وطبعآ ما كلمته ولد خالتي إلا يوم كنا صغااار ..

ويوم كبرت ياء وخطبني .. وسوينا خطووبه بس بعد الخطوبه ما كلمته .. لين بعد سنه عرسنا ..

ونا ما كلمته إلا يوم العرس ..

والحيين الحمدلله عايشين ومرتااحين ..

وعرفت صفااته يوم عشت ويااه ..

مش لازم اعرف صفااته قبل .. لأنه أكيييد بيعطيني الوجه االخر مش الوجه الحقيقي ..

وشكرآ ..

ومشكوره ع الطرح الطيب ..

ام النونو

تقدرين تتعرفين عليه أيام الملجه منو قال ممنوع >> الغلا محد قال ممنوع .. انا اطري قبل لا يستوي زوجها .. سمعت عن ناس اطلقوا ايام الملجه ..

أهل البنت هم اللي يسؤلون عن الريال ولا مره ف حياتي سمعت أن البنت تسأل عن الريال >> شي اكيد .. بس في اشياء وايد ما يعرفونها الاهل حتى لو سالوا ..
سمعت في برنامج على ما ظن لون حياتك .. احسن لو تقدر البنت تسال الناس القراب منه ..

ام ابرار

مش لازم اعرف صفااته قبل .. لأنه أكيييد بيعطيني الوجه االخر مش الوجه الحقيقي ..>> صح كلامج .. الكل يعطي الصفات الحلوه في بدايه الزواج وما بتعرفينه الا بعد سنه ..

حنا عندنا الاهل يسألون لكن ما يتعمقون في الصفات لأن كل واحد وطبعه
يسألون عن صلاته و أخلاقه بشكل عام وعن عيلته واصلهم وفصلهم
يعني البنت بتوافق على هالاساس غير جيه بالطقاق ان شاء الله عمرها ما عرست خخخخ و ممنوع ترمسه بالخطوبة لازم بعد الملجة

انا اكيد مع الزواج التقليدي وبقوة مهما كان الزواج عن حب ما اعترف فيه
وشوووووكرن ^.^