الزكام والحامل

مرحبا خواتي، فديتكم بغيتكم بس تسعفوني أنا حامل في الشهر الثاني وصايبني بسم الله عليكم زكام وسعال، وهيفانة وايد على البيبي لأني مب قادرة أتعالج بأدوية لخطورته عليه، فما أدري من هبراتكم شو دوا شعبي او خلطة تحفف عن الحمل الزكام؟

والسموحة

كلي برتقال

البرتقال واااااايد فعال للزجام

بس الزجام لازم ياخذ فترته

اتحملي لا تاخذين اعشاب و جيه

مرحباااااا خواتي

مثل ما قالت الأخت لا تاخذين أي أعشاب

سيري المستشفى بيعطونج دوا يفيدج وهم

عارفين أنج حامل .. لاتحاتين في أدوية ترا

للحامل وللسعال بعد

مالج غير البرتقال الطازج

وبعدي عن الأعشاب وشاي زعتر والزنجبيل تراه مب زين وانتي حامل

اتحملي واذا تعبتي وايد منه راجعي الدكاترة

فديتج خذي نصيحتي
انا هالشي سويته في حملي في بنتي
وهالحمل بعد يوم مرضت
اخلطي العسل ويا الليمون ويا الشاي الاحمر
هو طبعا طعمه مو حلو بس وايد يفيد للزكام والالتهاب
ومافي ضرر تاخذين حبة بندول الازرق
وصدقيني احسن من اي دوا بتاخذينه

ابا حل الزجام تعبني صارلي اسبوعين سرت المستشفى الدكتوره ما رضت تعطيني شي

وراسي بينفجر وما اروم ارقد