الرقاد والمرضعه

السلام عليكم ورحمة الله وبركاته
بنتي كملت 3 سنين وشهر الله يحفظها ولين الحين لازم ترضع من المرضعه وترقد
ولااازم أنا ارقدها ،، تعبتني ما ترقد روحها الا نااااادر اذا تكون مدوووخه عالاخر
الحين من الساعه 11 وربع طايحه في سريرها خلصت المرضعه وبعدها واعيه وكل شوي تنطلي وتعبت وياها أقولها ارقدي روحج مب طايعه ترقد اخر شي يأست وسرت رقدتها وعلى طول رقدت ما طولت
بصراااحه واااايد متعبتني أباها تتعود ترقد روحها خاصه أني مسجلتنها في حضانه هاي اول سنه لها ،، ويوم الاثنين اول يوم ،، وبعد أبغيها تودر المرضعه بس مب عارفه كيف
والحين ولدي الله يحفظه عمره 8 شهور ،، ما اباه يتعودلي جذيه نفس اخته ساعات اثنيناتهم يبون يرقدون في نفس الحزه واتخبل وياهم

بليز اللي عندها خبره تقولي ،، وولدي من اي سن اعوده يرقد روحه وانه يترك المرضعه وشو اسوي بالضبط خاصه انه واااايد صعب وصيااح لآخر درجه

وينكم ؟؟؟
ولا رد ؟؟

35 مشاهدة ولا رد واحد ؟؟؟؟

ان شاء الله الخوات يفيدونج فديتج

تسلمين اختي
نتريا البقيه

الغالية مب زين يشربون المرضة وقت الرقاد.. يضر بأسنانهم وايد

أنا بنتي قطعت عنها المرضعة بالتدريج من كملت سنة و شهرين لين كملت سنة و أربع شهور

و الحين هيه سنة و 9 شهور و تشرب الحليب وقت النهار بأكواب الأطفال اللي بو مسكة

و كل ما تبدين وياهم أبكر كل ما نسو الموضوع و ما بيقولون لج نبي

الحين بنتج ما شاء الله عودة و لازم تقطعين عنها

انتي اصبغي حلمات المراضع باليودين اللي يحطونه فاللثه عشان تتخرع من لونه و تجزه

و ييبن لها الأكواب اللي بمسكة و إن شاء الله تتقبلها و بتنسى السالفة عقب

لاتعطيها مرضاعه خلاص ودريها"عوديها تشرب من القلاص "وسالفة الرقاد "كل يوم ارقدي عدالها ولا تشلينها ولا تحضنيها وسولفي وياها لين ما ترقد وشوي شوي بتتعود انها ترقد بروحها " يباله صبر اختي وكل الامور بتكون طيبه "