انا محتارة بين ثلاث مستشفيات ماعرف وين اروح والتساهيل طبعا من رب العالمين بس
في مستشفيات الله يهديهم يهملون بالحريم وقت الولادة وبعد الولادة..
في البكر ربيت فالكورنيش طبعا كانوا اوكيه وقت الولادة بس يوم البيبي كان بيطلع محد كان فالغرفة غيري وتميت انادي وانادي والحمدلله انه خواتي كانوا عند الباب وييوا يربعون السسترات والراس كان برع.. والحمدلله ربيت بالسلامه ^^ عقب يابولي وحدة باكستانيه عسب تخيط والله ماتعرف وعصبيه
ومليون الف سستر واقفه يتفرجون والله احرااااااااااج عقب يت وحدة عربيه فنانه كملت الخياطه
وعقب فالعنبر والله اهملوني محد ايي يشوفني والفراشات انتي اتنادينهم عشان ينظفون الغرفة
بس اهمال وماشي نظافه ابدا .. هاللي ماعيبني في مستشفى الكورنيش وهاذي تجربتي
في الرحبه سووا نفس الحركه في اختي وعمتها كانت عندها فالغرفة ومحد عندها لا سستر ولا دكتورة
بس في ناس يمدحونهاا..
اللحين ابا اعرف عن مستشفى المفرق يقولون انهااا احسن واتغيرت مش نفس قبل
بنات خبرونااا عن تجاربكم وشو من المستشفيات الثلاث اتفضلينها واتشوفينهااا احسن
لانه اللحين العيادة بيحولوني بس محتارة شورايكم؟؟؟
للرفع
اما الكورنيش القابله وولدك ولازم حد وياج حتا مايهملونج بروحج
أنا اشوف الكورنيش احسن