الدنيا دواره الجزء الخامس ان شالله تعيبكم

فطوم: بلاج جيه مستانسه .. غريبه فجأه….. يعني..
مهاري : لا لا ما شي … بس عندج مسج يرد على هذا ((التراب ودسته …والود وشفته..والعسل وذقته..لكن غالي مثلك عمري ما صادفته ..))فطوم: لحظه بدور … في المسجات …
مهاري: اوف اوف … ما عندي شي !!! كله نكت ومسجات حب ..
فطوم: اصبري بدور …. اوف دومج مستعيله علج العيله !!
مهاري : خلاص خلاص ما اريد مشكووره …. ثانكيو!!

(( وجان يخطر في بال مهره ..(( يا مرحبا ترحيبتن كلها لك)) وكتبت هذا المسج في البلوتوث بسرعه وطرشت… حق ولد الشواهين .. المهم .. تموا يطرشون مسجات حق بعض لمده نص ساعه من هاي البلوتوثات الي وصلن حق مهره:

ولد الشواهين: (( انته الحبيب الي نوده ونغليه .. يا ليتك تبغى حلالي ..))
مهاري: (( حب المزاج الي له الوقت ما بيه .. يا تحبني حب صادق او توكل على الله))
ولد الشواهين : (( غايتي ومرادي في هاي الدنيا رضاك .. لو تطلب عيوني والله فداك.

.. وطبعا فطوم حست انه شي يستوى.. لان مهاري كانت قابضه الموبايل نص ساعه وكله تكتب.. ومهاري حست ابفطوم لان تعرف كيف تفكيرها وتعرف انها ما تحب ها السوالف … اتصلت ام مهاري.. وحتشرت .. على البنات وقالت يله ردن البيت وايد أتاخرتوا … ااانقبض قلب مهاري ماكانت تريد اتروح بعدها تبا اطرش بلوتوثات …

جان اطرش أخر مسج وهو (( مع السلامه تبيت بحتم حفظ الله )) ودفعن البنات الفاتوره ونشن .. وكل شوي يوصل مسج من ولد الشواهين …

(( خيرت نفسي ما بين الناس وختارك .. لا قلت قلبي ابعد قال حبيته ))
(( قلبي وعقلي اختلفوا فيك .. واحد يحبك والثاني يموت فيك ))
(( لو العيون تضم من الناس مخلوق .. والله لا ضمك في عيوني ))
(( هذا الهوى هذا الهوى .. أقسى وأجمل تجربه .. ما أوعدك الا بالوفا ..وقلبي مراده يسعدك ))

وقرت مهره البلوتوث وهي منصدمه !! حبيته !! واحد يحبك والثاني يموت فيك ؟؟ وضمك في عيوني … هههههههه عنبوه …. من نص ساعه . يطرشلي بلوتوثات اونه عاد حبنيه ….. وين يبا!!!. شو يتمصخر أبي هذا ؟؟ يا سلام … شكلها موب ميروه الي بس بتعشق .. هههه وانا وياها بعد . والله وبتدا الحب .. الله يعيينا بس عليه …. وردن البنات البيت … وطبعا .. سألو الاهل ليش افترقتوا وكل سار في صوب .. لان مهاري وفطوم ما يبون الالعاب … يبون يسيرون يهومون … .. طبعا البنات ما يصبرن عن بعض اتصالحن مره في نفس اليوم…. ويلسن في الغرفه وكل وحده اتقول شو استوالها اليوم بس مهاري ما رمست عن ولد الشواهين ولا قالت اي شي لا عن البلوتوثات ولا عن الرمسه بس تمن البنات يسولفن هيه تفكر في وادي ثاني …… ومن هاذاكي اليوم مهاري دومها فاجه البلوتوث بس ما تلقاه

.. مرت الايام والاسابيع على هي السالفه وسافروا قوم مهاري.. سويسرا كم من يوم مع اهل ميروه … وهناكي خبرت مهاري السالفه حق ميروه … بس قالت الحينه مول ما اشووفه .. في البلوتوث ولا شي . وتمت ميره مستغربه من كلام مهره .. ميروه تمت اتقول حق مهاري اتحملي تراه شكله لعاب .. ومهره اترد عليها لا تحكمين على الناس شو دراج ..
ميره: الغاليه انتي على نياتج موب كل الناس طيبين شراتج!!
مهاري: بس الطيبون لطيبات…
ميره : حياتي أنتبهي عى عمرج.

.. وطبعا دومهن يسولفن في سوالف الحب وكل وحده اتقول راياها …عقب ما كملوا في سويسرا كمن يوم . وطبعا ملوا لان ما شي هناكي وايد اماكن يسيرولها … ردوا المانيا وخلاص ما بقى شي عن ردت البلاد.. ومهاري وميروه … دومهن مطيحات في السووق يتشرن … والي تشتري حق اربيعاتها والي ما خذه مقاس بالغلط وتبا اترده .. ويردن البيت ايمعن الفواتير ويشلن الجواز ايسون تاكس افري … وطبعا قبل يومين من السفر.. راحت مهاري .. السوق مع الخدامه تشتري بعض الاغراض … ودخلت الجمعيه وشترت دياي ومعكرونه وعيش وملح وشكر وحلويات حق اليهال وخضره وفوااكه .. وعقب دخلت الخدامه كمن محل تاخذلها اغراض حقها … وهيه دشت محلها المفضل .. عشان تاخذلها ثياب .. وطلعت مهاري موبايلها من الشنطه جان اتشوف واصلنها مسج … قالت في بالها يمكن ولد الشواهين تراه قادي كاسبر يظهر بسرعه ويختفي .. فشت المسج مستعيله واطالع يمين ويسار يمكن هو موجود حذالها.. بس لكن ظهرت ميروه.. قالت يا ربي انتي .. اوووف . حشي يا بوك غاديه لزقه عنزروود… و يالسه مهاري تكتب مسج حق ميروه والا فجأه توصل رساله عن طريق البلوتوث…. (( فديت من كان لغيابي يعاني.. فديت انا ممشاه وخطاويه .. أنورت ميونخ الغاليه ؟؟)) هههههههه مهاري تضحك واتقول في خاطرها وين هذا من زمان .. عنبوه. مختفي حشى جان ما بلعته الارض .. وردت عاد مهاري على ولد الشواهين (( ميونخ منوره بنور أهلها .. سلامة روحك وقلبك من همومٍ الغياب الي كنت تعانيها .. يحفظك ربك من الدنيا وما فيها))

ولد الشواهين (( قلبي لك مولع وحيران ))
مهاري ما رمت اتكمل شوبنغ رمست الخدامه انها بتروح تيلس في الكوفي خلتها تتشرا على كيفها وقالتها يوم بتخلصين تعالي الكوفي … شلت مهاري الكشار عن الخدامه وسارت تيلس والخدامه راحت تتشرى … طلبت مهاري ريوق .. ويلست .. كملت مسيره المسجات البلوتوثيه ..
مهاري (( حيران من شوه))
ولد الشوهين: (( احس انج غير عن كل الخلق ))
مهاري وهي تضحك : (( ليش فيه شي زايد ولا على راسي ريشه ))
ولد الشواهين : ((! والله ما اعرف شو أقولج ؟؟ ومن وين ابتدي !))
مهاري: (( قول انزين شو تبا !!))
ولد الشواهين: (( لا تفهميني غلط بس انا من شفتج دشيتي فوادي ))

مهاري عاشوا … دشيت فوادك عنبوه منو يحبني انا … جسمي يلوع بالجبد .. ياربي شو هذا يقص عليه !!! بدينا .. بدينا.. لازم الطيبين يطيحون على الملعن .. هههه يا ربي انا اعرف شو يقصد انا اعرف شو يبون الريايل !!

ولد الشواهين : (( قلبي اختارج انتي من بد الناس ))
مهري وهي اتفكر أحب .. يا ربي شو اسوي شو هذا الي طح عليه .. اوف
مهاري: (( انته وين ؟؟ انا ما اشوف حد عدالي )) كيف طرشلي بلوتوث وينك؟؟
ولد الشواهين ( انا قريب وقريب وااايد ))
مهاري. اونه عاد انا قريب وينك انزين قول … خصك الله … الله يستر على يطلع خسف .. هههه بموت من الضحك وبسبه بعد … حشى والله صدق اني ملعونه افكر شو بقول قبل لا اشووفه .. عاد شو يبابي من زيني فيه ملايين من البنات احلى مني؟؟ غريب امره هذا الانسان .. لا لا اكيد شي عنده !!

.. ما ردت عليه مهاري خلته يولي.. تمت تاكل واطالع المجله الي ماخذتنها وجلب فيها تقرا المواضيع وطلعت من الشنطه الجواز والفواتير قالت احسلي اكمل كتاباتي حق التاكس وتمت اتمل الاوراق وهي مندمجه فيهن .. وفجأه ..يا ريال شكله من الامارات.. يلس عدال طاولتها … سلم عليها .. رفعت راسها ردت السلام وردت اتكمل شغلها ….. هيه ما كانت منتبه عليه وايد تقرا المجله طالع التيلفون تتريا البلوتوثات اتقول في خاطرها وينه هذا يا ربي ليش مايطرش بلوتوثات.. هذا ببلووتووث يعني ببلاش اووووف .. وتمت اتكمل تكتب مال التاكس … ويوم تتعب اتجلب المجله وعلى هذا الحال … كانت منشغله بقرايه المجله وويت الخدامه وخلصت مشااري حشى جنها اول مره تشتري . شاريه الي تباه والي ما تباه . وهمه رايحين صوب محطه القطار … أتذكرت ان جاوازها على طاوله ما شلتها …
مهاري : شت شت …. فليتا .. You stay her I forget my passport in the table?
فليتا: اوه شو هادا مهاري … كيف انتي سوي ينسي ذيس امورتنت ..
مهاري : stay her?
فليتا : اوكيك …
وراحت مهاري صوب الكوفي الي كانوا فيه وهي سايره .. يا نفس الريال الي كان في الكوفي .. الغاليه .. الغاليه . كان اييشر عليها … تمت مهره تمشي بسرعه صوب الكوفي ..ولحق وراها وتمت اطالعه مستغربه ليش يناديها ..جان يقول انا من الصبح الحقج بس انتي الله يهديج ترمسين موب من تبهتلي وما تسولي سالفه بعد تكملين مشي؟؟
مهري: اسمحلي اخويه .. شي بغيت .. انا مستعيله
مد ايديه وقالها اتفضلي …. هذا الي دورينه !!
مهاري: والله ما اعرف كي اشكرك .. اسمحلي جان تعبتك …. والله
…..: تعبج رااحه ؟؟

شلت مهره الجواز وقالت الحمد الله قلبي ارتاح .. الله يعين لو هذا ما رد الجواز جان رحت وطي . ودخلت في دوامه مالها اول ولا تالي …. خذت مهاري الجواز وحطته في الشنطه ..

وصلت هيه و الخدامه البيت وبسرعه دشت تتسبح وخذت من عند ابوها فوس واتصلت حق ميره قالتلها يله عاد باجر السفر خلينا نقنص السوق .. اتلبس عقب نص ساعه بمر عليج .. أتأخر مهاري على ميروه ساعه لان .. تمت تتمكيج وعقب رتبت الاغراض في الثلاجه ولين ما كوت ثيابها .. وخلصت وظهرت … كملت ساعه .. وطبعا .. ميروه كل 10 دقايق تتصل .. ومهاري اتقولها صبري…. صبري … في الطريج .. مهاري يالسه تقرا البلوتوث الي مطشنه ولد الشواهين اتقول يا ربي منو هذا في خاطري اشوفه . علىالاقل اعرفه؟
… التقت مهاري وميروه .. واول ما شافتها قالتلها بقولج سالفه استوتلي اليوم .. جان اتقول مهاري حق ميروه السالفه وشكت انه يعرفها؟؟

مهاري: اقولج منو يحبني طاعي شكلي؟؟
ميروه: والله انج حلوه ؟؟ بس لو تضعفين بعد عشره كيلو .. فن ..

(( في هاي الاثناء يهتز التيلفون في شنطه .. مهاري .. ))
مهاري: بلوتوث … ولد ال .. ال . الشواهين !!
ميروه عفاني الله لا تكونين جيه اكيد هوه قريب ؟؟ لان البلوتوث ما يوصل وايد ….؟؟ الا بدوره انا هذا ؟؟!!
مهاري: هيه ادري ….
ميروه: الي عطاج الجواز ماكان يطرشلج مسجات ..
مهاري : لا .. هيه .. مادري .. ما نتبهت والله ما اعتقد … كنت يالسه اكتب مال التاكس…

صبري بقرا المسج .. اسمعي شو يقول (( وين هاذيج السوالف روحت للوقت سالف ))… ميروه … اريد اعرف منو هذا فيه دوده .. وفضووا بموت وأعرف؟؟؟

ميروه : اسمع هذا واحد يلاحقنا ويعرفج لان البلوتوث ما يوصل وايد بعيد ..
مهاري: أنزين منو .. انا الصبح اليوم اتلفت لين ما عيزت ما شفت حد!!
ميروه : عطيني الموبايل !!! ا ما كون ميره ان ما عرفته؟؟
مهاري: اندووج …. بس لا تسبين !!
ميره: غريبه انتي اتقولين لا تسبين ما احيدج!!

وخذت ميروه تيلفون مهاري .. سوت سيرج على الاسامي وظهر ولد الشواهين … جان تكتبله ميروه اول مسج
ميره : (( منو انته؟؟ وشو تبا !!! ممكن اتفكنا من الصدعه ))

ولد الشواهين : (( انا فلان ولد علان .. انتي شو يخصج أنا اراقبكم واعرف انج انتي موب مهره .. ما يخصج انا اباها هيه موب انتي فراجاء لا تدخلين وومكن ما تاخذين تيلفونها))

ميره … مهاري طالعي البلوتوث الي مطرشنه .. اونه ما يخصج .. وين يبا هذا يتحسب بنات الناس لعبه .. الحينه برويج كيف برد عليه ..
مهاري: لا لا حرام ميروه الله يخليج …؟؟
ميره: موب يعني هذا اول واحد اتحبينه اتسلمينه عمرج بسهوله أكبري ..
ميره: خله ينقلع…ميره معصبه وهي اطرش بلوتوث واتقول هذا الي قاصر هذا يقص عليج ..