الدبلة والعروس

هلااااااااااااااا حبيت اعرف خواتي لازم الريال فالملجه يوم يلبس العروس هو لازم تلبسه خاتم بعد؟؟ يعني شي لازم احسه عيب والا شو رايكم كل ما اسير ملجه اشوف جي انه يلبس انا مستغربه يعني لازم اسوي له راس

هلا اختي.. الناس كل حد عاداته وتقاليده وكيف سنتهم.. انا اصلا مب عامرية بس مجرد نك نيم.. انا اصلا بلوشية.. وريلي عيمي.. وتقريبا عاداتنا متشااابهه..في يوم ملجتي انا لبسني الدبلة ولبسته الدبلة ولبسني الساعة ولبسته الساعة .. بس عقب الملجه مب شرط نلتزم بالدبلة عاااادي لو ما تلبسينها .. بس يوم الملجه لازم يلبسج وانتي تلبسينه حق التصوير واحس انه شي حلو بعد.. شي بيخليج تحبينه اكثر شي رابط بيجمع بينكم سبحان الله.. انا قريت معلومة انه يوم تلبسون الدبلة حق بعض.. في الصبع اللي يلبسون فيه الدبلة يكون فيه وريد متصل للقلب.. فااا سبحان الله تحسين في شحنات اتحادية بينكم.. (( مب جنه تفلسفت واااايد خخخخخ )).. فاااا نصيحه مني سوي جي والله يوفق بينكم يااارب ويسعدكم في حياتكم ان شاااء الله.. ومبروك مقدما يا عروس ^_^

نفس كلامها …

و انا عيمية بعد ..

و عاداتنا ان لااااااااااااااازم المعرس يلبس العروس الدبلة و العكس..

و مبرووووك مقدما ..

بالعكس حلووو مب عيب

ترا هي الدبله كل واحد يلبس الثاني اصلاا الحفله هاي كلها ليش عشان المعاريس يلبسوون الدبل

ولاتضيعين الفرصه *^

مريم العامري دام انه في وريد ومتصل فالقلب عيل بلبسه عشر خواتم ههههه مب بس خاتم

تسلمين mo0on 2024 على المشاركة انا عيميه بعد لكن اللي بياخذني بدوي هالورطه اخاف البسه ويستغرب

dala dubai مرورج اسعدني