الدار لاكدرت صافي مشاربها

السلام عليكم ورحمة الله وبركاته

مما راق لي

الدار لاكدرت صافي مشاربها

ماقدني يمها كفن ولا راده

اشوم عنها واخليها واجنبها

الذيب يبخص مصاديره وميراده

العين ماتبكي الا من سبايبها

الوقت غلاب والعربان نقاده

سود الليالي كثيرات عجايبها

تضحك عيال الخدم وتزعل الساده

ياعل ربي يعديها مصايبها

عن ماجرا للعرب ماهي بنشاده

احدن يصدق لها واحدن يكذبها

وابن الرخم يحتفل بعيد ميلاده

اعز نفسي واعزيها واعاتبها

كثر المجامل ترا ماهي بلي عاده

ان كان نفس الولد نالت مطالبها

ولا قعد مقعد الحقران مقعاده

كل الخلايق لها ربن يحاسبها

والي تمنى كثير مناه مافاده

الي يعمر بها والي يخربها

والي يواعد ولا يصدق بميعاده

ارض الله الناس تسعى في مناكبها

كلن بفاله بمحداره ومسناده

بعض الرجاجيل لو تنكس شواربها

ان كان راسه يخلي الزود وعناده

يمناه تقصر عن الماجوب عقبها

تستاهل اللوم دوم الدوم وزياده

نقلته لكم

فيها كلمات تحمل إشارات كثيرة وحكم ..

شكراً على النقل المميز ويعطيج العافية..

نفسي على ما كرهت مانـي بغاصبهـا ما هي على المخدعه والشين معتـاده

ربي يرحمك ياالكندي

وسلمتي ختيه !

لكم الف شكر على التواجد

صدقج و الله يا اختي …..
يعطيج العافية …..

الله يعافيج