الخطبه

السلام عليكم جمعيا ابغي اعرف شنهو الهديه اللى تقدم للخطيبه من اهل الخطيب بعدالفحص الطبي اذا كانت الملجه راح تتاخر اشوي وهل لازم يسون حفله حق الخطبه والملجه حفلة الملجه تكون على من اهل البنت او اهل الولد ومبلغ 120 الف مناسب حق المهر والزهبه والشبكه لانه احنا حاطين ميزانيه حق العرس بالكامل 300 الف درهم من المهر وتكاليف العرس …للعلم نحن من اصحاب الدخل المحدود هذا اول اعيالى يتزوج وانا كويتيه وما عندى فكره عن نظام الزواج فى الامارات والسموحه من الجميع

الله يتمم لكم على خير ..

شوفي حفلة خطوبه تكون اهليه يعني اهل البنت واهل الولد المقربين من الدرجه الاولى (و يفضل لو يكون عشى يعني شي خفيف ) المهم ويلبسون البنت خاتم واللي تلبسها ام المعرس ولا اخته المهم حد فيهم .. وحفلة الملجه ع الولد مش البنت بس ما يمنع في هالشي المساعده من الطرفين وتكون عن تراضي مب غصب وعناد وضرايب .. وميزانية العرس حلوه بس ها يعتمد على اهل العروس من ناحية المهر و القاعه اللي بيختارونها واموره ثانيه مختصه بالعرس .. نصيحه اذا حسيتي ان اهل البنت زينين قوليلهم ميزانيتنا هالمبلغ اذا هم مايحبون الخساير بيلتزمون بالميزانيه بس اذا يبون يكلفون في العرس ها يعتمد على مادية الزوج اذا بيقدر يوفر ولا لاء .. ويفضل تحطون النقط على الحروف من البدايه ..

الله يوفقكم ويكتب لكم اللي فيه الخير

الله يتمم لكم على خير
ان شاءالله بنات الامارات ماراح قصروا معاااكي

الله يتمملكم على خير يارب

جزاكم الله خير كل اللي رد علي بس الحين ابغي اعرف شو هدية الخطوبه غير الحلو والورد وشكرا

الخطوبه حلو وورد تراج بتشلين وياج خاتم ذهب للعروس عسب تلبسيها

صراحه محد يسوي خطبه وحفله الحين ملجه عائليه ويحجزون القاعه وتتزهب العروس لين موعد العرس

لا تقولين حق اهل العروس كم المبلغ ترا وراج قاعه قوليلها الولد ع قد حاله وان شاء الله مابنقصر

ربي يتمم لهم ع خير ويسعدهم

اهل العروس الي يحددون يبون حفله والا لا .. ووين تكون الحفله وهم الي يحددون المهر وطبعا كل شي على المعرس .. البنت بس تعرس وخلاص ماتدفع شي خخخخ

اممم انا الي اشوفه انه الخطبه ماله داعي حفله الا اذا كان حفله عائليه بسيطه وحتى الملجه ماله داااعي بصراحه حفله كبيره بس اهل العروس الي يحددون يبون حفله كبيره والا بسيطه والا مايبون حفله ،، يعني من هالناحيه هم الي بيطلبون منكم

عن المهر حلوو 120 الف بس بعد اهل العروس هم الي يحددون ويمكن يطلبون منكم اقل من جي يعني على حسب

عن هدايا الخطبه غير الورد والحلو والخاتم ،، ممكن تاخذون للعروسه ساعه و عطور او اي شي حق العروسه تحطونه فبوكس

الله يتمم على خير ان شاء الله بس انتي لانسين تقولين ان الولد على قد حاله وان شاء الله انه نحن مانقصر
علشان يقدرون ظروفكم وان شاء الله مايطلبون عليكم فوق طاقتكم