شخباركم ؟؟
خواتي فديتكم…
عندي استفسار وابغي مساعدتكم ودفعكم المعنوي لي لاني تعبت..
انا وزوجي رحنا مركز دبي للاخصاب..
وانا الحمد لله كل شي اوكي عندي..
وزوجي الحمد لله بعد معاناة قلة العدد استخدم العسل وارتفع عنده عدد الحيوانات ايلي 16 مليون..الحمد لله
والدكتور قال بيسوي فحص للحيوان المنوي 24 ساعه و 48 ساعه وبيشوفه كم يوم يعيش في بيئة الاختبار..
والبارحه خبر زوجي بالنتيجه..
وقالج انه الحيوانات المنويه تعيش بس يوم واحد.. بس.
وزوجي مب مقتنع باطفال الانابيب.. فالدكتور قاله خلاص عيل بنسوي تلقيح صناعي مرتين وراء بعض اول شي وبنشوف النتيجه..؟
وانا مب عارفه وايد ضايجه وشاله هم ابغي احمل ..
بلز خواتي ايلي عندها خلفيه عن هالموضوع اتفيدني…" الحيوان المنوي يعيش يوم واحد فقط"..!؟!
وهل في حالة زوجي ما ينفع وياه غير اطفال الانابيب او التلقيح المجهري..؟
ولا في علاج بالادويه..؟
اسمحولي خواتي طولت عليكم..
بس اتريا ردودكم ايلي تسر الخاطر وتفرح وتهون عليه الموضوع
اتقول كانت تاخذ الحيوانات المنويه و اتحطها فعلبه و اجمدها و ويوم تبي تحمل اتسوي اخصاب عن دكتور و تحمل من ريلها المتوفي و الله اعلم
بس حبيبتي لا تخلين الحمل عائق جربي اول شي الاشياء الطبيعيه يعني رفعي ريلج لا تتغسلين بعد المعاشره الا بعد ساعه اضربي ابرة تنشيط انتي و ريلج
و بنسبه للحيوانات المنويه الي داخل الرحم اتم بس 48 ساعه و عقب اتموت
اكثري من الاستغفار و الله يرزقج يااااااارب
خليه يتعالج بالاعشاب وايد ناس نفعت وياهم والله رزقهم بعد كورس علاجي وربي الشاهد
وكثرة الاستغفار وقراءة سورة البقرة مهمة وايد
بالتوفيج غناتي
==========
صبحج الله بالخير والسرور اختي..
تسلمين فديتج على ردج وتفاعلج ويايه حبوبه..
انا الحمد لله مستانسه ويا ريلي والحمل مب عائق بالعكس..
بس تعرفين ابغي احس بالحمل والامومه وابغي نونو اشله واهتم فيه..
استانس على اليهال وخاطري بياهل يكون لي انا اهتم فيه ..
ان شاء الله يارب جريب تحقق لي حلمي وترزقني بالذريه الصالحه عاجلا عير آجل يااااااااااااااااااااااارب…
حبوبه تسلمين على النصايح فديتج..
وانا اسوي نفس الشي ارفع ريلي وما اتغسل على طول اتم اكثر عن ساعه..
والله المستعان ان شاء الله ..
استغفر الله واتوب إليه..
" ربي لا تذرني فرداً وانت خير الوارثين"
تسلمين فديتج .. وربي يرزقج ايلي في بالج يارب..
ويرزقني ويرزق كل محرومه يااارب..
============
صباح الورد يالغلا…
تسلمين على دعوتج ا لحلوه والله يسمع منج يارب..
وزوجي الحمد لله ياخذ خلطه العسل..
وووووايد اتحسن من حيث العدد .. الحمد لله..
وتسلمين على نصايحج ..
وان شاء الله بسويها باستمرار..
ودمتي فديتج..
الله يرزقج بالذريه الصالحه