الحل مع الضعف

السلام عليكم
بنات انا مشكلتي ماع الضعف المشكلة اني انا من النوع بسرعة اضعف وبالصعوبة امتن
وزني 43 تقريبا ابي امتن شوي
بنات شو تنصحوني
وبنات الفجيرة اذا حد يعرف دكتورة تغذية في مستشفى الفجيرة انصحوني بلييييز

مرحبا الغاليه … انا كنت شراتج لين ما عرست … و ما كنت اقدر امتن الا بدوا فاتح شهيه … اذا تبين اسمه راسليني عالخاص .. بس الله يخليج استشيري فيه اي دكتور قبل لا تاخذينه … انا هالدوا زيدني 6 كيلو في 10 ايام !!!

ااول شي لازم تتأكدين انه جسمج سليم وماتعانين من اي مشاكل صحيه مثل فقر الدم ….

وانا كنت نفسج كله اقول بسرعه اضعف بس ماامتن الا بالزووور

وكله اقولهم اكل بس مايبين فيني …..

جربت اخذ حبوب فاتحه للشهيه وصرت اكل وزاد وزني …. وطلع الاكل اللي اكله قبل ولا شي يعني كنت اقص على عمري يوم اقول اكل بس مايبين فيني …

لازم تاكلين الوجبات الثلاث كامله يوميا مع وجبات خفيفه بينهم وصدقيني مع الايام معدتج بتكبر وبتمين تاكلين كميه اكبر من اللي قبلها ….

وانا كنت دايما اقول يوم بمتن ابا امتن بصحه مب اكل دهون وبرجر واشياء تضر جسمي

الوجبات = كلها من اكل البيت
عصاير طااااااااازجه بروحي اسويها في البيت اول شي كنت هيزه وماروم اسوي شي بعدين اتشجعت وقمت اسوي ….

واحيانا اخذ من الجمعيه عصاير طبيعيه ….

والحمدلله على كل حال

المشكلة احس الوالدة ما تقصر تسوي اكل لكن حزت الليل اكون يوعانه بس ما ابي اتعشى اللي مسويته وعاد تعالي وقت الرقاد اكون يوعانه ورقد عمري غصب خخخخ

والله صدقج الضعف مشكله ان شاء الله حد يفيدج

عكسي .. انا بسرعه امتن و بصعوبه اضعف