السلام عليكم خواتي بقولكم شو صارلي المهم انا من كم يوم اكون يالسه من اقوم ادوووخ يعني اشوف اللي تحت فوق والعكس اكون طايحه في الغرفه اقوم احس الغرفه ادور فيني بالمختصر المفيد يعني تستويلي دوخه في هذي الفتره المهم قلت لازم اروح الدكتوره يمكن ضغطي نازل يوم رحت خبرتها الموضوع قالتلي يمكن حامل قلت لا ما اظن لانه من اسبوعين مخلصه الدوره قالت عادي انتي تمنعين قلت حاليا لا قالت يمكن رديت عليها بس موعد الدوره بعده قالت بنكشف ونشوف يوم كشفت علي خبرتني يمكن في حمل لانه فوق المبيض كيس بس ما فهمت كلامها بس قالتلي مو اكيد لين موعد الدوره وباقي عن الدوره 12 يوم يعني حتى لو سويتي تحليل دم ما راح يوضح ويمكن اللي يصيرلج علامات حمل مبكره على فكره قبل فتره يعني قبل شهرين كنت رايحه الدكتوره تكشف علي وشافت كل شيء اوكي والحمدالله حتى هذا الكيس اللي تخبرني عنه امس ما كان موجود من شهرين وقالتلي ما في حمل بس هذي المره كانت تقول يمكن في حمل لانه الكيس اللي فوق المبيض قبل شهرين ما كان موجود….سؤاااالي….
انا اقول ان شاء الله خير بس يا خواتي الكيس اللي فوق المبيض هذ شيء عادي يعني يصير حمل منه لانه ما كنت اعرف انه الكيس يكون فوق المبيض اذا فيه حمل ؟.؟؟؟
وحاليا والله الحمد ما فيني اي دوووخه بس الترجيع وباقي عن موعد الدوره 5 ايام….
ردو علي اريد ارتاح وما افكر….
نسيت اخبركم انه البارحه سويت الاختبار المنزل بس طلع سالب يعني ما في حمل برايكم استعيت وسويت التحليل اتقولون ارد اسويه مره ثانيه في موعد الدوره ولا خلاص اطنش الموضوع واذا ما نزلت الدوره اخذ حبوب تنزيل الدوره
ان شاءالله تكونين حامل
والبنات بيفيدونج
ردو علي ومشكوره اختي معصقله على الرد
والله الغاليه انشالله هذا حمل ..بس الحين بيبين على ما اعتقد في تحليل الدم.. وانتي صبرتي كل هذا اصبري شوي يومين..
يارب اتكونين حامل
يارب اتكونين حامل
الغاليه ان شاءالله اتكونين حامل لانه اول شئ فى الحمل يتكون كيس الحمل بعدين البيببى وان شاءالله خير 
اب اب اب اب
ان شاءالله حامل ,, اصبري شوي لين موعد الدوره وسوي فحص منزلي مره ثانيه
والله يكتبلج اللي فيه الخير ان شاءالله