اليوم- الأحد ..
الساعه – 5.8 دقايق الفير…
احس بحزن وضيق احس هموم الدنيا كلها على راسي ..
أحس بشوووووووووووووق ووله على ابويه الله يرحمه..
اخواتي والله تعبت من كثر ماني كاتمه على صدري هالضيق وهالحزن..
ماعندي حد اشاكيه وخبره بلي فخاطريه .. طبعا انا ما احب حد يشفق عليه ولا يسوي شي بالغصب ..
خبركن قصتيه…
انا انسانه يتيمه ماعندي لا أم ولا أب ولا اخ ولا أخت..
اميه يوم يابتني توفت.. وابويه عرس عقبها بس الله ما رزقه بعيال وطلق..
ابويه الله يرحمه هو رباني وكبرني وعلمني ..
ويدتيه ويدي ماقصروا الله يرحمهم .. يوم ابويه يروح الدوام اقعد وياهم ..
تعرفون شوه الي معذبني ان ابويه قبل لا يتوفى كنت احس انه زعلان عليه مادري ليش 
شسوي احس عمريه بموت من الضيق..
اليوم الي توفى فيه ابويه . كنت في الصاله انا وعمي وحرمت ولد عمي وبنتها . عمي كان يشوف الاخبار … وابويه قال انا بروح ارقد .. وطلع .! ووشوي الا انه راد . قالي بنتي شفتي لحافي الاحمر وين؟؟! قلت له لا ابويه احيده هناك قال ما حصلته..ييت بنش بدوره . قالي لا خليه برايه .. وكنت يالسه اضرب بنت ولد عمي الصغيره طبعا بمزح..قالي لا تضربينها شيخة البنات..سكت ان عنه .. قال تبون شي مني؟؟؟؟؟؟؟ يوم قال هالكلمه انا ياني شعور غريب؟! ليش ابويه يقول لنا جذيه ؟؟ اول مره يقولها اول مره؟؟؟ قلنا له لا .. وقف عشر دقايق يمكن وهو حاط عيونه عليه ويطالعني وانا احس شي في عيونه .. طالعته قلت له ابويه تريد شي؟؟؟ قالي لا بنتي ربي يحفظج وطلع؟! راح ينام ..يت الساعه 12 فليل .. عمي راح يرقد وحرمت ولد عمي قالت انا برقد .. طلعت عنها ورحت عند حرمة ولد عمي الثاني .. ويلست عندها .. قلت لها احس باحساس غريب قالت لي شوه تحسين؟؟ قلت لها مادري بخوف وشي غريب ماعرفه؟؟!! تعالي رقدي عندي دخيلج ؟؟ قالت لا ريلي بيي الحين.. قلت لها طلبتج اباج ترقدين عندي. قلت لي اشفييييييج؟؟؟ قلت لها انا احس شي فيني تعبانه خايفه مادري من شوه..المهم قالت اوكيه ..يوم حنا داخلين..ابويه كان راقد في الصاله..والصاله فيها بابيين..اول ما دخلنا يبت لحافه الاحمر ولحفته به.. ماتحرك.جانا اروح ارقع الباب بقو .جان تربع حرمت ولد عمي وتندس قالت اشفييييييج تبينه ينازعنا..قلت لها برايه ابا اسمع حسه .. ما نش ..رحت رقعت الباب الثاني ولا نش؟! قلت لها ليش ابويه ما قام. قالت حرام عليج ياي من الدوام تعبان وانتي تغثينه؟ قلت لها ابغي اسمع حسه ياربي…قالت ماعليه باجر ..يلا نروح نرقد..ورحنا حجرتيه ونسدحنا على الشبريه.قالت بندي الليت قلت لها لالالالالالالا ماريد خليه احس بخوف اليوم..( وانا مستحيل ارقد والليت مشغل فيني طبع) قالت غريبه شوه وراج اليوم انتي.. قلت لها مادري رقدي .. ويلست طول الليل افكر في ابويه ليش مانش يوم رقعت الباب..ليش احس اني مشتافه اسمع صوته .. ولا ياني الرقاد لين ما أذن الفير .غفت عيني..شوي الا اسمع دق على الباب والله اني من الخوف طحت فوق الشبريه .. فتحت الباب ..حصلت حرمة ولد عمي تصييييييييييييييح..قلت لها من مااااااات ..ربعت اوايق في الصاله حصلت ابويه منسدح مكانه وعنده عمي وعيال عمي..انا من الفرحه يوم شفته من منسدح مافكرت انه ميت. رجعت وقلت لحرمة ولد عمي الحمد لله مب ابويه .. قلت لهن من مات؟؟؟ حد مات؟ وهي تصيح ما تتكلم .. رحنا غرفتها ويلسنا هناك..دش ولد عمي وانا يالسه عدال اتلفون ..جان يتصل . بواحد يقرب لنا..جان يقول الريال لا حول ولا قوة الا بالله فلان بن فلان .. طرى اسم ابويه..طالعت ولد عمي قلت له ابويه مات؟؟؟؟؟؟؟؟؟؟ توني شفته؟؟ واغمى عليه..يوم نشيت بعدني مب مستوعبه شي. وايقت من الدريشه اشوفهم يشلونه في السياره وعماتي يتصايحن خاري..وانا اقول دخيلكم بويه اريده والله اريده اريد احبه..وطلعت اربع خاري ويسمكني الحريم وانا اقولهن دخيلكن بشوفه والله بس بشوفه . بس ما خلني واغمي عليه مره ثانيه. ونشيت عقبها على الصياح والحشره الي صايره في البيت..وانا ابد ما صحت..رحت غرفتيه وتوضيت وصليت ويلست اقرا قرآن..وعقب يو عمومتيه يسلمون عليه . وانا ساكته..وعقب بنت عميه تم تصااااااااااااااااااااارخ يننتني عاد انا تميت اصيح واصارخ واستلبست وتميت اسبوع كامل ماقدر اتكلم..ومن هاك اليوم لين يومكن..وانا دوم في عثرات..دوم مريضه ومالي بارض على شي..دوم احس بالحزن والوحده . مرضت ومارمت اكمل دارسه ووفقت .. والله يا خواتي ماعرف شسوي مب مرتاحه في حياتي ..(( عيال وبنات عمي يوم حد يتخبرني عليهم اقول خواني وخواتي )) لكن وين هذا كله ماشي احس محد من هليه مهتم فيني ولا يحبني .. احس اني فاقده حنان.. دموعي في عيوني من اشوف منظر ولا اسمع شي . ولا اقرا شي عالطول اصيح… دوم مريضه ودوم مضايقه وحزينه..ماحب اكلم حد دوم في حجرتيه منطويه على عمريه.. اااااااااااااااااااااااااااااااااااااااااااااااااا اااه احس بالهموم والحزن بيقتلوني..
مادري ليش كتبت لكم قصتيه والله تعبت من كثر ماني كاتمه على قلبي.
ودي حد يشاركني
دخيلكن الي تدخل تدعيلي ان الله يشفيني ويسعدني ويفرج همي وغمي ويجمعني بوالديه في الجنة..
نحن هني كلنا خواتج غناتي
والله يرحم والديج ويرحمنا جميع يارب
والله يشفيج ويهون عليج ويسعدج غناتي بس لا تنطوين على روحج بالعكس ها بيزيد من تعبج وحزنج
حاولي تطلعين من الجو الي قاعده فيه ادري صعبه بس الاصعب انج ما تشوفين طريق السعاده والفرح
لا تهملين روحج من تحسين انج مظايجه على طول ركعتين وادعي
وارد اقولج ان اذا الله ماعطاج خوات ولا خوان ترانا نحن خواتج
الله يحفظج عيوني والسموحه لاني ماعرفت اعبر اكثر عن جي
الله يرحمني برحمته ويصبرني..