الحريم اللي تلبس عيالها ماركات ممكن شوي؟

حبيت أسألكم عن الثياب الحلوة بالنسبة للماركات للأطفال

وياريت للمناسبات لأني شايفة وايد يلبسون بربري صح حلو بس موديله سمبل مع انه حلو

شايفة بعد لاكروا بس مايعيبوني وايد

ديور شو ثيابهم؟

كنزوا حد ماخذ من عندهم؟

أبقي أعرف منكم كيف نوعية الثياب اللي تاخذونها لعيالكم للمناسبات وشو أسعارهم بعد

ياريت بحدود الألف

شو بقدر أحصل؟

أنتظركم بأسرع وقت

مرحبا الغاليه

والله بربري ما يعيبني مووول (مال اللي مب شابفبن خير وتوهم يعرفون الماركات) يعني يالله تعالوا شوفوا ترى لابس ماركه .. تي شيرتات بربري ممكن لكن القمصان المخططه لاااا

لاكروا للبنات حلوات .. ماشي ولادي

وديور مب ذاك الزود للاولاد … بنات ممكن و شي بسيط

كنزو واااايد حلو و اسعارهم حلوه .. بنات واولاد .. تطلعلج البدله ب700

دي اند جي روعه ما عليه كلام .. بنات و اولاد البدله 1000 وفوق

ارماني جونيور .. الولادي احلى .. اسعارهم عاديه قميص ب 300 وفوق والبناطلين 600 وفوق

موسكينو بعد غاوي .. واسعارهم معقوله

فرانكو فيري .. امووت عليه احسبه مميز ..

والشوز دي اند جي روووووووعه وايد احبه لانه مريح لمشي الصغاريه

وبالتوفيق

صدقج أختي بربري مستهلك وايد عشان جيه مابقيته

بشوف شو بخذ

ومشكورة ماتقصرين أختي

عندي تعليق صغير واتمنى انكم تتقبلوني
كيف تلبسن الصغاريه ثياب ب 2024 ولا 1000 هوه أصلا بوسخ ثيابه لانه ياهل وبعدين هو اش كثر بيلبسها اكيد بتصغر عليه.. ما ادري احسه تبذير والسموحه

لا أختي أنا ماقلت بألفين وأبق يحتى أقل من ألف

واللي أقصدهم مب صغار وايد يعني بسن الخمس سنوات

وبخذ شي ينلبس مب منفوش ماينلبس!!

تسلمين على رايج

أحس ديور غالي بيكون

تعرفين أسعارهم أختي