الحركة المفرطة

صباح الخير على الجميع .. مشكلتي تكمن في ولدي الصغيراللي عمره سنة وشهر .. ولدي كثير الحركة مستحيل يجلس.. يأكل وهو يمشي يلعب وهو واقف حتى إذا رحت السوق أو المستشفى في السيارة من سابع المستحيلات إني أحطه على ريلى وإلا في حضني لين نوصل لا كله يتحرك وواقف وفي المستشفى وإلا السوق كله يتحرك وإذا حطيته في عربته وإلا عربة السوبر ماركت إتم يصيح لين نخوزه منها مهما تكلمت ما تتصورون قد شوه هو حركي قولولي شوه أسوي وكيف اتصرف وياه .. أسفه وايد على الإطالة وسامحوني

ما في داعي للقلق
هاي امور عادية
وفي حديث عن الرسول صلى الله عليه وسلم
بما معناه ( عرامة الطفل من الذكاء )

يعني كثرة حركة الطفل دليل على الذكاء

والطفل اول ما يبدأ يمشي يحاول يكتشف كل شيء حولة

ولدي عمرة سنتين و7 شهور نفس الشيء

ما يقعد

صابرة عليه
واحاول اعطية دائما اي شيء يحبه ويلهيه

مثلا في الجمعية اجلسة في العربانة واعطية شبس او عصير او اي شيء يمسكة
في السيارة اما انشغل التلفزيون دي في دي في سيارة ابوة
سيارتي ما فيها

اشتريت دفي دي صغير وخليته في السيارة
حطيت له العاب

يعني احيانا يجلس واحيانا لا

بس صح تعب
ولكن احسن من انه يكون جالس ما يتحرك ويقوم الواحد يحاتي ويفكر فيهم يمكن يكون مريض لا سمح الله

اصبري ولج الاجر

مشكورة أختي على الرد .. أحس إنج ريحتيني

هذا نفس ابني ما يقعد في مكان اكثر من ثانية و دوم ايده شغالة بالتخريب و اللعب…الله يعينا عليه..بس هو يحب الحيوانات و يحب يطالع في الكتب و المجلات…و انا استغل هذا الشي و ا اكله في هالوقت…و السيارة ما يقعد خير شر…
و الله يعينا ..
دوم ادعيله بالهداية…

أختي moon_99الله يعينا على تربيتهم إن شاء الله ومشكورة على الرد ..

الحركة بركة (شكلة بركة البيت)زين بعد