الحجر الداخلي والاثاث ؟؟

اولا احب اقولج / بيت عامر والله يهنيكم فيه يارب ويسعدكم يارب ..

بخصوص الصاله ماشاءالله حلو الوان الحجر ..

بالنسبة لورق الجدران الافضل اتحطين الساده او تصبغين نفس اللون ( الورق الجدران الساده ) او نفس درجة الحجر بس على افتح .. لانه لو حطيتي الورق الجدران (المشير) بيصير وايد حشره فالصاله ..

بخصوص التلفزون الافضل يكون معلق وتحته يكون فيه رف عرض التلفزون او اطول .. وممكن اتضيفين لوحات خشبية منقشة (عباره عن لوحه خشب مخرمه ) شايفتنهن فالسوق الصيني ..

وبالنسبة للغنفات / يفضل اتحطين الجلسة الكامله عسب المكان ..

بحاول احط لج صور تقريبية عسب تاخذين افكار ..

والسموحه على القصور

مشكوووووورة فديتج جزاج الله خير

بخصوص التلفزيون ما اظن اعلقه لان زوجي ما يبيه معلق

واللوحة من وصفج شكلها حلو بس ما عرفت شكلها

والكنبات قصدج نفس حرف ال

مبروك البيت وان شالله عامر

فيه شي احلى من ورق الجدران اعرف الوكيل له هنا في الامارات
اللي هو الكليبسو clipso
بيحافظلك ع الجدران لو حبيتي اتشيليه باي وقت
وتقدري تسوي عليه صور ثلاثية الابعاد
مميزه جدا وحديثه هالتقنيه ومش كثير ناس مسويينها
حتى ممكن انتي تعطيه اي صوره ويطبعها ع الجدار بطريقه احترافيه

ماعرفت احطلك صور لاني داخله من الموبايل لكن لو سويتي بحث عنها بجوجل بتحصلي اشكال والوان
وحسب معلوماتي ياخذون 250-300 درهم على كل متر مربع
من كم يوم شفت شغل لهم في بيت بالفلاح
لو حبيتي راسليني ع الخاص عشان اعطيكي معلومات اكثر عنهم

وحتى بالنسبه لضيق المساحه هذا الاسلوب يعطيكي انطباع انه المكان اوسع صدقاا رائعه هالتقنيه وناويه اسويها في بيتنا المستقبلي باذن الله

ماشاء الله رب يجعله بيت خير وسعاده عليكم

الصراحه حاولت اساعدج بقدر الامكان دخلت ادورج على ديكورات

تناسب صالتج يمكن احيرج زيااده بس فكرت دام ريلج مايبا يعلق

التلفزون في اليدار

خلى الجلسه صوب الحجر والتى فى في الصوب الثانى

هاى الصور الى جمعتهاا لج وان شاء الله تستفيدين

مشكورات فديتكم ما قصرتوا