كثر في الآونة الاخيرة موضوع التعدد
تعبنا منه وايد و مب عارفين شو الحل الاخير
أنا حضرت ندوه وكانت عن تعدد الزوجات وانه حل للمشاكل الاجتماعية
و المطلقات و الأرامل و المتأخرات ..
وانه قبل كل شي شرع ربنا ..
وين المشكلة ؟؟؟؟؟؟
المشكلة بحريم وااااااايد جننوني و قهروني 
المحاضر جالس يتكلم عن الموضوع وقاموا الحريم يقولون لا هذا صعب
و الحرمه ما تروم تتحمل الغيرة و ان وحده تشاركها في زوجها ..
و مستحيل الحرمه تحب ريلها متزوج اربعة لان بتغار و ممكن ما تأخذ حقها الجنسي ( أسفة على الكلام) و تشتاق ريلها و يكون عنده غيرها
و قالوا بعضهم ان الريال ما بيعدل ،.
قال لهم المحاضر ان العدل الواجب يكون في النفقة و المبيت و بس
و مؤ ملزوم الزوج يعدل في الحب و الجماع ..
لانه ممكن يحب وحده لجمالها و سنها فينشط لها جنسيا
و اذا جاء يوم الثانية ممكن ماله مزاج فلا يلام على هذا …
الحريم زعلهم الكلام و قاموا يتحججون فقال لهم ممكن الزوجة ما تشجع
زوجها لانها باردة او مؤ حلوه او كبيرة !!!
لكن هو ملزوم باعطاها حقها على قد قدرته و اذا ما اشبعها و مؤ راضية
لها انها تخلعه او تطلب الطلاق للضرر
قاوم حريم يرفعون الضغط
و جلسا يتكلمون وان التعدد ما فيه أحسن منه و انه يحمي الريال
من الزنا و ان الحرمه لازم تصبر على الغيرة و تطيع زوجها و تحفظ عائلها
و هذا واجب عليها وان الحياة الزوجية اكبر من جنس …
و ان الريال معذور بحب زوجة اكثر من الثانية وان الرسول احب عائشة اكثر
من زوجاته …
وان الزوجة لها ان تتنازل عن ليلتها لضرتها …
وقالوا اصلا التعدد ماله اي ضرر نفسي على الزوجة
المشكلة مؤ هنا المشكلة :
ان وحدة قامت ردت عليهم وقالت لهم خلاص إحنا مؤ معارضين التعدد
لكن كل وحده فيكم تروح تزوج ريلها ثلاث و تأخذ اجر أفعال أخواتها المسلمات … صراحة عجبتني الحرمه ..
قاموا يتحججون ان التعدد مباح و ليس فرض
وانهم يكرهون زواج زوجهم و يكرهون وجود الزوجة الثانية
لكن ما يكرهون التعدد … هذي كيف تجئ مادري ..
أنا ابغي اعرف الحريم هذولا شقايل يفكرون مؤ توكم تتمدحون
بفوائد التعدد و تهاجمون الحريم اللي عارضوا ..
انتم حبوبات شو رأيكم و شو الجواب النهائي
هل تكرهون التعدد و ليش و هل يضرك نفسيا زواج زوجك غيرك
وهل ممكن تتزوجين شخص معه ثلاث وانتي الرابعة
و لو قدر الله و تزوج زوجك ثلاث هل بيضرك
و لو عرفتي ان زوجك يحب وحده غيرك شو موقفك
انا من راايي صعبة واايد ومب صعبة ..
يعني لوييتي على وحدة مب معرسة وياها معرس ممكن تقوول عادي وبنفس الوقت لوبيتزوج غييرها بترفض..
يعني لوانطبق علييها عادي ولوعلى غيرها لا ..
كلن بضرووفة..
مكن الحرمة ترضى وممكن لا اعتقد الرااي رااجع للحرمة نفسها وعقلاانيتهاا .
من وجهة نظري انااا,.,,انا مع التعدد بس الي بسبب..
يعني خلافات مستمرة عياال مشااكل الاموور العاادية ممكن اكوون مع الزوجة الثاانية ..
بس الي بيقوول بعرس لاني بعرس وبس وغير انه مابيكوون حقاني لا انا مو مع التعدد بهالنااحية ..
وهوو لويبغي الاجر يعق البييزاات فالي يبوون يعرسوون ومااعندهم ,..
علعمووم اعتقد ان هالموضووع بيتم على خلاااااااااااااف داااايم مع الزمن ..
بس صعبه وااايد على الحرمه
وماعقب شرع الله كلام
(( انتهى الكلام ))
راسي عورني من هالموضوع ….في وايد شباب مب معرسين ليش قابضين على المعرس يعدد !! و شي ثاني الحين بيناقشون تعدد الزوجات عشان يحلون التركيبه السكانيه انزين في وايد شباب مب قادرين يعرسون ليش ما يساعدونهم ليش ما يسددون ديونهم ليش ما يدورون حلول لمشاكلهم و يزوجونهم انا من اخواني 3 مب معرسين و كلهم في سن زواج !!! اسير ازوج ريلي يعني هذا الحل المناسب
انا مب ضد شرع الله ..و ما اعتقد بعترض لو انا فيني عيب و ريلي مب حابني مثلا او ما اييب عيال اني بعترض بس دام انه ما في شي ليش يعدد !!!
والريال الي مرتاح مع زوجته وما يبى يعرس مستحيل يعرس مهما يسوون من محاضرات ودورات ما حد يقدر يغصبه ويقوله عرس وهو ما يبى يعرس مستحيل