.gif "12 (48)")
اول شي حبيت اشكر كل وحده ردت على موضوعي في المرة الاولى وحتى الي دشت وله كتبت رد.gif "12 (77)")
..وله دعت لي بدعوى حلوة او غير حلوة
هذا الموضوع الي كنت طارحتنه
https://uaewomen.net/showthread.php?t=230245
وتبغون الصدق رحت وبلغت اخت الشخص الاول برايي..بعد يومين دقتلي تلفون وبلغتني انه اخوها من سمع الخبر وهو كله متضايج ومهموم ومب حاب يكلم حد ..حز في خاطري ..قلت خلني اصلي الاستخارة ابرك
والحمدلله خذت بنصيحه الخوات وقلت بصلي الاستخاره وبشوف عشان اطمن اكثر وارتاح…عاد يوم صليت ..كذا مره كان عادي..ما حسيت باي شي بعد كمين يوم ما قدرت اصلي ( ما كان علي صلاه ) بس قبل ما ارقد قريت دعاء الاستخارة ورقدت عادي
بس تعرفون شو حلمت
حلمت يدتي الي متوفيه وانا كنت وايد قريبه منها ..حلمت اني دخلت غرفه ولقيتها تصلي وهيه لابسه لبس ابيض ويالسة تسجد ..اول ما شفتها قلتلها يدوه وينج انا من زمان اريد اشوفج عشان اشاورج بي هالشي ( لان كان خاطري اعرف رايها بس توفت قبل ما اعرف )
المهم قلتلها خطبني فلان بن فلان ( سعودي) وانتي شرايج ..قالت بسم الله عليج لا ..شان تقولي شوفي فلان بن فلان ( الشخص الثاني ) لو انتي تشوفي شكله جي بس هو زين وابتسمت لي وكملت صلاتها..وانا ساكته مبهته وهيه تقولي هالكلام ..وعلى فكرة هيه توفت وما تعرف انه هالشخص الثاني يريدني ..قمت من الحلم وانا مستغربه
الحين بنات اريد اعرف هل كلام الميت صدق ..وله يكون العكس…
وله هذا اضغاث احلام وله شو؟؟
سمحولي طولت عليكم
والله يوفقج
وايسر امورج
وهاي علامة انج تاخذين الثانيه
والله يسر امورج الغالية
المشاركة الأصلية كتبت بواسطة أم حمد 1 
والله يوفقج
وايسر امورج
اها يعني كلام الميت يكون صح
المشاركة الأصلية كتبت بواسطة Al_Dloo3aa وهاي علامة انج تاخذين الثانيه
والله يسر امورج الغالية
مشكورة الغلا
اذا حلمتي وانتي ع غير طهاره ( يعني ماعليج صلاه) يكون الحلم فاسد ،، لان ……. يفسد الحلم ..
انا انصحج انج بعد الطهاره تستخيرين ع كل فرض ماعدا صلاه العصر لان مايجوز صلاه الاستخاره.. واستخيري لمده 3 ايام والاحلام اللي عندج اكتبيها ع ورقه وفسريها .. وان شاء الله خير ..
والسموحه منج
لكن انتي استشيري شيخ دين وخبريه الحلم وان شاء الله بيفيدج اكثر
عن نفسي ما اقدر افتي في شي ما اعرف فيه
والاولى تاخذي راي اهل الدين
ولا تنسي استخيري مرة واثنين و10 لين ما الله يبين لج الخير وين
وربي يوفقج ان شاء الله
المشاركة الأصلية كتبت بواسطة نظر عيني اذا حلمتي وانتي ع غير طهاره ( يعني ماعليج صلاه) يكون الحلم فاسد ،، لان ……. يفسد الحلم .. انا انصحج انج بعد الطهاره تستخيرين ع كل فرض ماعدا صلاه العصر لان مايجوز صلاه الاستخاره.. واستخيري لمده 3 ايام والاحلام اللي عندج اكتبيها ع ورقه وفسريها .. وان شاء الله خير ..
والسموحه منج
مرحبا اختي
اسمحيلي كلامج غير صحيح
االحلم بالدورة موب فاسد ,, لأن دم الدورة اصلا موب فاسد ,,
دم الدورة مثل اي دم نجس وما تجوز الصلاة به ,, حتى الريال لو جرحه ينزف ما يروم يصلي لين يجبر الجرح ,,
بعدين يا اختي الاستخارة مالها علاقة بالاحلام اصلا ,, يعني الاستخارة على الراحة وتيسير الامور وسالفة الحلم مثل الشيء الاضافي ,,
ووالاستخارة ما تبين من اول يوم ولا من ثاني يوم ,,
اختي انا اقول اصلا العقل يقول ارفضيه ,, والاستخارة مبينه لأن الامور موب قاعدة تتيسر وحتى اهلج مترددين
فارفضيه
وان كنتي حابة تترين لين تطهرين وتستخيرين فما فيها شيء
والله ايسر لج الخير