الجزء الثالث بنتكلم عن فراشي المكياج بما اني حطيت كذا موضوع عن ماركات الفراشي المفضله عندي وسويت ريفيو عنها فهالموضوع راح اركز عن انواع الفراشي الأساسية والي برايي لازم تكون موجوده عند اي وحده لو كبداية
اول نبدا بفراشي الوجهه
فراشي الهايلات والكنتور (تحديد الويهه)
انواع وايد بمختلف الاشكال والاحجام ممكن تستخدم كهايلات او كنتور
امثله على هالفراشي الي انا استخدمها كهايلات او للكنتور هيول
وبعض هالفراشي لو تلاحظون ممكن تكون فراشي للبلاشر
عندج فراشي الزاوية او الانجول براش angeled brush وفراشي التابيرد tappered او فراشي الكنتور او الهايلات
فراشي البوينتيد pionted يعني مجموعه من فوق او مدببة او محدده من فوق مثل هالفراشي
عندج هالنوع من الفراشي الي ممكن يكون متعدد الاستخدامات
ممكن تستخدمينه انج تثبتين الاساس باللوز باودر او بالكومباكت وهالفراشي تعطيج تغطيه خفيفة بس كتثبيت تشتغل او تحطين بها البلاشر وتدمجين بها البلاشر مع الهايلات والكنتور
وجود هالنوع من الفراشي عندي اساسي ومهم
فراشي الستريبلينج stribiling brushes
وهني ماركات واحجام وانواع واشكال
وجودها مهم لانها تستخدم للاساس سواء كان وضع الاساس السائل وتوزيعه على البشره او تثبت الاساس السائل بوضع البودره عليه من خلال الترتبيت عليها وبهالطريقه تضمن وضع كمية زينة من البودره وبالتالي تغطية اكثف واكثر
وممكن تستخدمين هالنوع بالذات الصغير منها في وضع ودمج الكنتور او البلاشر الكريمي بعد ما تحطين الاساس السائل وقبل ما تثبتينه بالبودره
فراشي المدورة القصيرة والصغيره
هالنوع من الفراشي ممكن استخدامه للكنتور او البلاشر او الهايلات سواء كانوا كريمي او بوردية او لدمجمهم مع بعض
فراشي البودره الفلافي الكبيرة
ومنها ماركات واحجام وانواع اهم شي تكون عندج وحده لانها ممكن تثبتين البودره بها او بعد ما تثبتين الاساس باستخدام البودره والاستربيلينج براش ممكن تمررينها على كل ويهج عشان تضمن توزيع البودره على كل مكان وتنفضين الزايد منه
وممكن تستخدمينها عشان تخوزين الاي شادو المهرهر على الخد
فراشي العين
اهم نوع من الفراشي قبل كل شي هي فراشي دمج الاي شادو لانه الاي شادو كل ما كانت الوانه مدموجه اكثر كان رائع اكثر
وهني امثله عليها
هالفراشي ممكن تستخدم كهايلات لغظمة الحاجب بالاضافة لدمج الالوان
فراشي لوضع لون الاي شادو
شي انواع وعلى حسب انتي شو تفضلين وشو ترتاحين له بالاستخدام
نبدا من الي بالصور من تحت لين فوق
عندج الي مثل فراشي الدمج لكن اتيج اقصر وتتحكمين بها بشكل اكثر وتركز لج اللون اكثر تكون فلافي ومدورة
وعندج المفلطحه ام شعر فلافي والمفلطحة اليابسة والضعيفة
فراشي الاي لاينر
شي انواع عندج الي مثل فرششاه الاي لاينر السائل او المفلطحه اليابسة وتنفع للاي لاينر الكريمي ولتحت العين او داخلها
اخيرا فراشي رسم الحاجب مثل الي تحت وحتى لو تستخدمين القلم في رسم الحاجب احسن تكون موجوده عشان تدمجين القلم ويبين طبيعي اكثر في رسمه الحاجب مثل الفرشاه الي تحت بالصورة تكون قصيرة وناعمه عشان لو تضغطين عليها بحيل توزع لج اللون بين شعيرات الحاجب وتكون ناعمه عشان ما تقحر لج يلدج
وفرشاه الروج لدمج الروج مع الممحدد او لوضع الروج
وهاي هي كل الفراشي الي في نظري لازم تكون عندج
اما بالنسبة للماركات عندكم كذا ماركة زينه
اقترح تزورون مواضيعي عن الفراشي الي اسعارهم روعه وجودتهم عاليه
وهني الروابط
رابط F52 (forever52)o
https://forum.uaewomen.net/showthread…8#post38344648
رابط ريل تيكنيك real techniques
https://forum.uaewomen.net/showthread…4#post38468974
رابط لورين لوك Luren Luke
https://forum.uaewomen.net/showthread…5#post38591745
كوستال سينتس
https://forum.uaewomen.net/showthread…2#post38201952
فراشي سيجما وماك
https://forum.uaewomen.net/showthread…780&highlight=
واخيرا دعواتكم لي
انا من محبي مواضيعج وووووواااايد تعيبني ارائج وافكارج
وانا من المبتدئين في عالم المكياج والصراااحه استفدت وااااااااااايد من خبرتج
موفقة حبيبتي
ربي يعطيج العافيه 
شو اللي جودتها زينه وسعرها مقبول؟
ابا اشتري مجموعة فراشي فا ابا تكلفتهم تكون مقبوله وجودتها بعد زينه