بنوتات هالموضوع بيكون للجميع للافاده بس مركز اكثر عالجامعيات الي عندهن فكرة عن هالاسالة لان عن نفسي جامعية بس دوم الخبط بينهن
نتمنى نلقى تفاعل واجاباتكن معنا 
السوال الاول : شو الاشيا الي يشوفونها في شهادتي الجامعية بعد التخرج (مثلا من اقدم على شغلة شو يشوفون بالضبط) ؟؟
هل ال (GPA) من ضمنهم ؟؟؟
السوال الثاني: هل من الضروري للطالب الجامعي ان يشتغل بفترات الصيف ؟؟ هل تعتبر من الخبرات فعلا ؟؟ ام لا يتم النظر فيها ؟؟
السوال الثالث: شو هو مشروع التخرج بالضبط ؟؟
السووال الرابع : شو الفرق بين capiston و internship؟؟؟
تحياتي لكم 
بعض الأشيا أقدر أجاوب عليها وبعضها لا ..
بس بسوي اللي أقدر عليه ..
السوال الاول : شو الاشيا الي يشوفونها في شهادتي الجامعية بعد التخرج (مثلا من اقدم على شغلة شو يشوفون بالضبط) ؟؟
هل ال (GPA) من ضمنهم ؟؟؟
امم.. ماعرف .. بس ياريت لو الخوات الموظفات يفيدونا ..
لأنها نقطة مهمة ..
السوال الثاني: هل من الضروري للطالب الجامعي ان يشتغل بفترات الصيف ؟؟ هل تعتبر من الخبرات فعلا ؟؟ ام لا يتم النظر فيها ؟؟
طبعا تنحسب للطالب،، وللموظف بعد.. كل ما اشتغلتي أكثر .. كل ما زادت خبرتج وزادت فعاليتج في العمل.. فبالتالي شي مطلوب.
السوال الثالث: شو هو مشروع التخرج بالضبط ؟؟
هو آخر شي تسوينه قبل لا تتخرجين ..
في بعض التخصصات تشتركين انتي ومجموعه من الطالبات وتسوون مشروع،
يعني تسوين أي شي مفيد له علاقة بتخصصكم ..
مثلا لو كنتي في الآيتي .. تصممين برنامج ..
في بعض التخصصات تكونين انتي بروحج // مثلا لو كنتي إنتيرير ديزاينر تصممين بيت أو مبنى بروحج ..
المهم إنه يتم تقييمج على اللي تعلمتيه ضمن دراستج عملياً عبر مشروع التخصص..
وأبشرج في بعض التخصصات ما فيها مشروع تخرج .. مثل الملتي ميديا .. بس ياخذون كورس بدل مشروع التخرج.
يعني على حسب شو تخصصج ..
السووال الرابع : شو الفرق بين capiston و internship؟؟؟
الكابستون هو مشروع التخرج ..
والإنتيرنشيب هي الفترة التدريبية اللي تتوظفين فيها في آخر كورس بالجامعه.
أتمنى اني أكون فدتج .. وياليت لو الخوات يزيدون على كلامي .. عشان تعم الفايده.
