الثانوية العامة

أنا امتحنت
بس الصراحة أصعب من السنة الي طافت
يعني السنة الي طافت امتحنت ومع أني ما درست ولا مادة ولا حتى أعرف شكل الكتب من داخل ورسبت في 4 مواد على الحافة
لكن السنة مع أني درست حسيت أنه الأسئلة صعبة وايد وأتوقع عندي رسوب في مواد زيادة عن المرة الي طافت
الله يعينا ذلينا ليش احن منازل

ها المره مع تغير النظام وااااايد ناس رسبوا

يعني انا وحده اعرف شاطره ماشاءلله عليها وبعد رسبت في مادة وحده الله يعين اخر السنة

ونفس الشي بنات ثانيات اعرفهم راسببين في كمن مادة اذا في في الامتحان في درجة نهاية الفصل

مجموع درجتين الامتحان والتقويم

الصراحة الامتحانات وايد يايتنهم صعبة
ومع ذلك مب عاطينهم وقت كافي يحلون فيه
والتقارير إلي هدت حيلهم
والموجهين مايراعون في التصحيح
اعرف وحدة قالتها المدرسة انه الصف مافي رسوب
ويتهم الموجهة وراجعت ورقة ورقة في الرياضيات واي غلط بسيط في المسألة تحطيلهم صفر
وما ارتاحت لين ما رسبت نص الصف
الله يعينهم وينجحم في الكورس الياي …………….

هلا رزوس انا عمتي فالثانوية’’’

سألتها قالت صحيح انه واايد هلكنا لكن النظام في صالح الطالبات
وعلامتها ما شا الله ارتفعت فوق ما تتصورون ,,,

بس العقده كان الانجليزي كان 17 ورقه ,,, وصعب
واكثر البنات راسيبين فيه,,,,

بس كانت الامتحانات اتقول حلووة ,,,,

يعني في اشياء حلوة واشياء مالها داعي,,,

,,بنت الإمارات,,,

ولا والمصيبه المعلمات مستغلات الخمسين درجة اللي فيديهن و يلعبن بهن على كيفهن اذا يتج معلمه وغده عادي عندها ترسب البنات اللي ما تدانيهن…طبعا مب الكل…

الله يعينهم يا رب و ينجحهم مساكين…

انزيت الحين كيف توزيع الدرجات انا ما فهمت عليهم .. امتحانات التقويم الأول + الثاني + النشاطات= 25و امتحانات المنتصف 25 .. فيطلع هاكله 50 … و النص الثاني 50 .. صح و لا .. و ضحولي لو سمحتوا ؟

اختي مدرسه وتقول ان وايد بنات راسبات في الثانويه