اشحالكن بنوتات
اول شي بشرحلكن وضعي و بعدين بطرح عليكن السؤال
انا عرسي بعد كم شهر و بنتقل إماره ثانيه و بسكن ويا اهل ريلي و طبعا ريلي يشتغل فأبوظبي معناته اني مابشوفه الا فنهاية الاسبوع و أهله من اهليه بس مااعرفهم وماجد تلاقيت وياهم .. المهم انا مخططه كل مايسير ريلي الدوام اخليه يخطفني على اهليه لين اخر الاسبوع وانرد بيتنا .. طبعا امايه قالت عيب دوم تينا واتخلين بيتج و لو حد ياهم و نشد عنج شو بيقولوهم دوم بايته فبيت اهلها و انا عاد حازه فخاطريه هالسالفه كيف بسير بعيد عن اهليه و مابروم اشوفهم .. كيف بتم بلا ريلي طول الاسبوع و بعيد عن اهليه ؟!! صعبه
وسؤالي الحين
اذا انا سويت جذيه وخليته دوم يخطفني علي بيت اهليه بكون غلطانه و عيب ؟
يالله عاد ابا رايكن شورن عليه
سيري لأهلج كل اسبوعين مره
عقب عرس وسرت عيمان
فكنت اسبوعين ايلس في بيت اهلة زكان كل يوم يرد البيت
واسبوعين في بيت اهلي وكان ييني في بيت اهلي ويستانس لان الدرب اقصر علية
يعني لزم يكون لج غرفة في بيت اهلة بس تسيرين بيت اهلج
والف مبرررررروك والله يوفجك
شوفي انا عن نفسي من دبي وريلي من امارة ثانيه واشتغل في دبي اول ايامي اطريت ايلس في بيت اهل ريلي عشان ما تطلع رمسه ومن حملت ما سويت لهم سالفه على طول دام ريلي في الدوام انا في بيت اهلي كان يضاربني كنت ارد بس من ينسى السالفة ارد بيتنا.
بس انتي اتفاهمي وياه وشوفي شو رده.