(((( البنات اللي يستخدمن ماركة M.A.C ممكن شوي بليــززز ))))

السلام عليكم ورحمة الله وبركاته

هلا خواتي الغاليات

الصراحه بنات انا كان خاطري من زمان أجرب ماركة ماك ولانها مب موجوده عندنا في راس الخيمه أضطريت أمس اسير دبي (مول الامارات) علشان اشتريها من هناك والصراحه كنت فرحانه واااااااااااااااااااااايد لاني من زمان ماسرت دبي والسبب اللي كان يمنعني هو الزحمه بس أمس تشجعت وقلت حق ريلي خلنا نسير نغير جو لاني كنت متضايقه من الروتين … المهم سرنا واول ماشفت ماركة مااااااااااااك استانست وعلى طول دخلت المحل
واول شي سألت عنه الفاونديشن وعطتني فاونديشن للبشره الدهنيه الصراحه روعه يخبل يخلي البشره مخمليه وحتى مايحتاج باودر بس القهر انها عطتني درجه غامجه شوي وللاسف ماكتشفت ها الشي الا بعد مارجعت البيت وجربته على ويهي بس عيبتني تغطيته الصراحه خبااااااااااااااااااااال بس المره اليايه ان شاءالله باخذ درجه افتح
وخذت بعد روجين مات واحد أحمر والثاني عنابي واللي عيبني فيهم انهم ثابتات وملمسهم حلو بس المره اليايه ان شاءالله باخذ الالوان الفاتحه مثل اللحمي والاورنج والوردي لاني احب ها الالوان وايد

أدري طولت عليكم … المهم الحين اللي ابا اعرفه شو الاشياء الحلوه الثانيه اللي عند ماك؟ مثلا البودره المضغوطه ولبلاشر والشدو .. تنصحوني فيهم ولالا؟؟ حتى بالنسبه للأرواج شو احلى درجات جربتوها؟؟؟

لاني ابا المره اليايه ان شاءالله أكمل مكياجي مره وحده لاني ماقدر كل يوم اسير دبي والسبب الزحمه ودوام ريلي بليــــــــــــــــــــــــــــــــــــــــززز بنات اي شي حلو عند ماك اكتبولي اياه علشان أخذه مره وحده … حتى انواع الفاونديشن والبودره شو احسن شي جربتوه

انتظركم لا تتأخرون عليه

وياريت يا بنات لو تحطولي صور بكون لكم شااااااااااااااااااكره ^_^

هذا عيب ماك الصراحه دايما الوانهم غامجه ويعطون الوان غامجه حبوبه نصيحه خلي عنج ماك وشوفي استيلودر والله خياااال والله وخاصه الكحلي فل كفر بس خفيف على البشره

انا عندي البودرة المضغوطة وايد حلوة أجنان .الكل يسالني عنها

مشكووووووره حبيبتي شيطونه الصراحه انا يوم شفت الفاونديشن على ايدي كان فاتح يمكن بسبب الاضاءه اللي عندهم بس يوم رجعت البيت شفته وايد غامج بس عيبتني تغطيته . بس بجرب ان شاءالله استي لودر تسلمين حبوبه ^_^

ان شاءالله بجربها حبوبه ^_^

السلام عليكم
جربي انج تخلطين اساس ماك مع اساس ثانى لونه فاتح وبيعطيج درجة اوكى

أنا من أحد المدمنين بمنتجات ماك المرة الأولى خذت الفاونديشن والبودرة أغمج عن بشرتي والمرة اللي عقبها خذت أفتح وايد مستانسة عليه وخليته للعزايم

وللطلعات العادية أستعمل بودرة كنيبو والإثنين ما أستغنى عنهم