خواتي العزيزات انا اعاني من مشكلة شوهت شكلي وأثرت جدا على بشرتي (الالتهاب البكتيري)
قبل كان ويهي نظيف ويلق وحتى لو تظهر لي حبوب (حب الشباب) تظر يوم او يومين بالكثير واغسلها بصابون ديتول او احط عليها لزقة (باند ايد) واتروح .. لكن هالمرة غييييررررر
ويهي ملتهب وتظهر لي حبوب على كامل ويهي وخاصة على خدودي من الجنب وشكلها يبين مثل الحروق على البشرة وخبرني الدكتور بانها التهاب بكتيري .. والغريب ان هالالتهاب ما ظهر الا على ويهي اما رقبتي وصدري نظيف والحمدلله ..
الحين خبروني منو فيكم اللي عانت من هالشي وكيف عالجته ؟؟ ووين تنصحوني اسير ؟؟ عند اي دكتور جلدية فأبوظبي ؟؟
بليييييييز خبروني لان المشكلة املعوزتني وايد حتى اخاف لما عيالي يقربون مني لان هالحبوب مؤلمة وايضا تسبب الحكة ومثل ما خبرتكم اتبين جنها حروق على الوجه.
تحياتي للجميع
او سمير العلي …
مالج الا اليسار خوري
واذا بغيتها طرشيلي على الخاص واعطيج الرقم
والسمووحه
والنعم بالخوات
خلاص ان شالله بسير لها حجزت الموعد
بارك الله فيكن
ما نغعوني الدخاتر
عليج بصابون لايف بوي الاحمر ريحته قويه شوي بس وايد زين للبكتيريا ينشف الحبه على طول يعني غسلي ويهج بالصابونه كل ما اتحسي انج مضايقه من ويهج انا اغسله وقت الصلوات الخمس
و حطي سودو كريم الرمادي تعرفيه صح
حطيه ع ويهج بعد المغرب
و وقت النهار حطي سن بلوك بس و ابتعدي عن الكريمات المرطبه
ولا تلمسي ويهج و الحبوب وايد لانه سهل تنتقل البكتيريا من خلال الايد
و اذا انتي اداومي او كنتي طالعه و حسيتي بحكه امسحي ويهج بـ كلينكس الديتول
و اشربي ماي وايد لانه يساعد على صفاء البشريه
و حطي ماسك روب و شويه لومي
و بعد صلات العشاء ارقي وجهك بالرقيه الشرعيه يمكن تكون هاي عين صابتج انتي استخدمي العلاج و الرقيه و ربي يشفيج ان شاء الله
و ها الي كتبته لج من تجربتي لانه استوى لي التهاب بكتيري في ويهي و رقبتي و الحمد لله احين بشرتي ردت مثل قبل بس تامه التصبغات بعد الحبوب بس هاي التصبغات اتروح مع العنايه
و الحمد لله على كل حال
لكني طفرت من الحلول المنزلية صدق وهالمشكلة استوالها سنة ولا قدرت اعالجها .. طفراااااانة من بشرتي احس ريلي لابعة جبده مني .. وجايز اتكون عين لاني شاكة فهالشي والله يشافي جميع المسلمين ..قبل ويهي ابيض صاااااااافي بدون ميك اب وبدون اي شي خدودي حمر ويهي نظييييف بس شوفي الحين .. اما مشكلة حب الشباب خلاص اتخلصت منها من ايام المراهقة بس سالفة البكتيريا صدق ازعجتني ..
بعد اذا مافاد معاي العلاج مال الدكتورة اليسار بجرب اللي قلتيلي عليه والله يوفق وهو الشافي المعافي
بارك الله فيج وربي يكتب لج الاجر والثواب