بنات انا بشرتي وايد باهتة ياليت لو تقولولي عن صابون زين حق البشرة وتنقيتها
مشكوريييييييييييييييين خواتي
اسئلي في الصيدليه وبيدلك حسب نوع بشرتك
وفيه شركات تجميل تكون عندها مجموعات للبشرة مرره روعه
تكون مجموعه منظف وكريمات حق البشرة تعطي اضائه للبشره
موووفقه ياعسل
أول شي غناتي أنصج تروحين تسوين فحص دم . عشان تشوفين مستوى الهيموجلوبين في دمج وأتوقع تحصلينه نااااقص ولا سمح الله فيج فقر دم .. ترى وبحسب دكتور خبرني إن أكبر سبب للبشرة الباهته تكون أسباب جسمانية .
وهنيه الخطوة الثانية إنج تاخذين حبوب فيتامين إللي بيوصفها لج الدكتور . وإذا طلع دمج زين وحابة بس فيتامين متخصص للبشرة والشعر والأظافر أنا أستخدم GLOW-N-GROW حلو … وبتحصلينه في محلات المكملات الغذائية والفيتامينات أو في الصيدليات ..
وبكملج من عندي مجموعة من النصايح وشي منها جزء من برنامجي الخاص ..
– أنصحج بالفيتامينات تساعد في إشراقة الوجه والبشرة بشكل عام
– كثر من شرب الماء . حطي عدالج دبات صغار عشان تتشجعين لأن الكبيرة تشوفينها كبيرة وبتتعايزين وما بتشربين .
– روحي عند خبيرة تجميل فاهمة . وخليها تنصحج ببرنامج عناية يومي .. يكون مخصص لتغذية البشرة وترطيبها وطبعاً بحسب نوعية بشرتج .. ومهم وااايد يكون فيها مقشر لأزالة الطبقة الميتة وإللي هي أساساً إللي مسويتلج اللون الباهت . وخليها تعطيج كريم للنهار والليل ويكون في مكوناتهن فيتامينات .
أنصج بماركة كلارنس . أو غيرها من الماركات هذا حسب اختيارج .
– والنصيحة الأخيرة سوي فيشل بشكل شهري بس عند ناس ثقة وبرفيشنال ودري عنج الصالونات التعبانة إللي بس سعتدون ع البخار . لا حبيبتي إنتبهي واختاري نوعية الفيشل إللي يكون فيه تغذية وترطيب وإنعاش للبشرة .. حتى لو كان غالي شوي .. بس ما عليه إنتي قاعدة تصرفين على عمرج وهذا الشي إللي بيحمي لج بشرتج .. من الذبول والتجاعيد المبكرة .
إحم إحم .. . كأني تفلسفت وااايد .. 
أتمنى إنج استفدتي من كلامي ..
وعقب هالتعب في الكتابة أبا أسمع منج دعوة حلوه إن الله يرزقني ويوفقني يا رب رزق حلال طيب مبااارك ..