الاطفال في السفر

هلا الغاليات

انا انشالله مسافره في نهايه شهر مارس وعندي طفل رضيع 7 شهور ممكن بخبرتكم شو اقدر اكله هناك وشو لازم اخذ معاي انا بسكن في فندق يعني صعب اطبخ

مسافره ميونخ ل 12 يوم

بليز ساعدوني يا الامهات ما باقي شي

سيريلاك
فارليز
علب فواكه جاهزه ومهروسه للأطفال
روب
موز
عصير كوكتيل ^_^

بس ياليت تاخذين مرضعة الطعام، اللي تكون طابقة فيها الملعقة ،، أسهل في إطعام الطفل وعشان ما يبهدلج

للرفع

ربي ايوفقج..

لا تحاتين وايد لان البيبي في سبع شهور ياكل يعني لو كنتو ماخذين ريوق في الفندق بتقدرين تعطينه كورن فليكس مع انواع الاجبان تكون موجوده و حتى الروب انا اذكر سافرت في بنتي على بلجيكا و كنت اريقها و كانو يحطون روب في علب كنت اخذ منها واكلها + الحليب+فواكه+خبز و جبن ومعكرونه يعني حق العشا ، فيه مكينه تطبخ الاكل حجمها صغير و هي تطبخ ع البخار كل شي من العيش الى اللحوم يعني لو حبيتي تطبخين و بس تحتاجين كهربا يعني ما يحتاي نار هذه بعد فكره و طبعا لازم تشلين معاج عصاير بانواعها وبسكويتات و الامور بتمشي

ماعرف في هالعمر ايبي شو ياكل
بس مثلا حليب البيبي البودر اذا متعود عليه خذيه وياج من هني احسن وانواع البسكوت الي ياكلها

ادوية الكحة والحمى لا سمح الله