و طبعا ً آخر شي لو البنت إشغلت بين رياييل لازم يكون بينها و بينهم حدود
و هذا الشي حاصل معاي لأني كنت أعمل في مكان مختلط
و واثق الخطوه يمشي ملكا ً
التعامل الطيب و المحترم هو الأساس
ألف شكر لج و لا هنتي و دمتي لنا
ومعاج حق في اللي قلتيه عن مضار الاختلاط وهذا شي ما يختلف عليه اثنين
لكن ختيه نحن فرضت علينا الحياة باحكامها ان المرأة تعمل لجانب الرجل …وللحصول على الرزق الحلال تظطر البنية انها تعمل مع الرجل أو في وسط الاختلاط …
لكن ختيه الوحده اللي تحط الرحمن في صدرها وتتوكل على ربها واللي تغض بصرها وتتحصن بالقران ربنا ما بيتركها صح والا لا ….
انا قصدي يا ختيه العزيزة ان عمل المرأة في الاختلاط يعتمد على المرأة نفسها لان الريال بيطالع بيطالع ..ونااادر تليقن اللي يخاف ربه سر وعلانية …لذلك وحتى لو اظطرت ان تتخلى عن النقاب وتكشف وجهها ( اعتقد الاسلام يحلل اظهار الوجه بلا زينه وتبرج ) لذالك عليها ان تراعي ربها وتخاف منه وتتقيه …
وان تعرضت لموقف يمسها والا يسيئ لها تلجئ لمن هم اكبر منها سناً او رتبة ً في العمل وهم بيحلونها لها …
وتتذكر دايما انها انثى وابسط شي يؤذيها …وتراعي هلها وكرامتها وربها فوق كل شي ….
بقوللج اياها بصراحه ختيه انا لو في المستقبل اظطريت اني اعمل ويا رجال ما رح ارفض هالفكره واكيد بحط لهم حدود من غير لا ارفع صوتي ولا اسوي مشاكل …بعد الوحده تقدر تفرض احترامها …
صح والا لا ؟؟؟
ما اعرف ختيه هذي وجهة نظريه والسموحه ^___^ ما اعرف الخوات هل هن ويايه والا لا ؟؟؟
خاصة ان اغلب الرياييل احينه يرفضون ان حرمتهم تعمل في مكان به اختلاط ؟؟
وأكرر ختيه موضوعج جداً مهم و اتمنى ان تتم مناقشته بشكل بناء ^___^
يا ترى خواتي شو ردة فعلكن ووجهة نظركن للي تتزين واتحط مكياج كامل وتلبس العباة الربشة وتنشم من على بعد يوم وهي فوسط الدوام ؟؟؟؟
وانتن كيف تنظرن للي يتعدلن عسب ايحصلن الوظيفة ؟؟؟واللي احيان يتعدلن في الدوام عسب ينخطبن ؟؟؟
ياليت اتجاوبوني خواتي
وتكون ملتزمة بلبسها ومحتشمة وصدقيني الريايل بيحترمونها مثل خواتهم
اما البنت الغير محترمة تلقين الريال ما يحترمها من داخله و يعاملها كانها واحد من الشباب
وهذا رايى و السموووحة منكم يا خوات