الإكتئاب مشكلتي

السلام عليكم

الموضوع وايد صعب بالنسبة لي

كيف اصارح الطرف الثاني " زوجي"
ان عندي اكتئاب ما بعد الولادة و فعلا كل يوم يزيد ما ينقص ؟
و اني محتاجة علاج طبي و علاج وجوده وياي دوم

مو عارفة كيف اخبره فيس تو فيس ولا بمسج ولا بشو بالضبط
خاصة احس ان الموضوع يفشل و ممكن يحط ف باله اني مريضة او بعض الناس يعتبرون اللي يزور طبيب نفسي "مينون"
ولا اتعالج بروحي لا من شاف ولا من دري

اتمنى كل وحدة تحط نفسها مكاني بليز

ليش مكبرة الموضوع حبيبتيهذا شي طبيعي و لاتحاتين و لا تخافين خلي ريلج يقرا عن هالاشيا و ثقفيه خلي يدخل النت و يعرف شو هو الاكتئاب مابعد الولاده و هدا مايطول فتر و يخوز ان شالله و لا زم تخلينه يشاركج هالشي و صارحيه و لاتاخفين دام انج ماسويتي شي غلط عذا من ربج و قوي نفسج و لاتحاتين و تكبرين الموضوع وريلج لازم يداريج لان الاكتئاب يخوز بهاذي الطريقه لازم الطرفين يتعاوننون ولاكيف بتعالجين نفسج !!!! و الدكتور النفساني بيقولج هالكلام و لاتوهمين نفسج انج مكتئبه وااااايد و لازم حل و لا ببتستوي اشيا ثانيه لا سمح الله !!!!! لا تاحتين و صارحي زوجج و و ييبي االلابتوب و شغلي النت و تصفحو عن هالمواضيع مع بعض و كلميه بالهداوه و مستحيل يعايرج و لا يقولج شي و اذا لاسمح الله قالج و ماقتنع و تم يتمدا هاك الحزه اذا انتي تبين سيري و تعالجي …

و الله يهون عليج و يردج مثل ماكنتي اسرع و لاتاحتين مجرد مصاراحت بسيطه و تعاون بينكم و الله بيسعدكم يارب

الحمد الله على سلامتج

راجعي عند دكتورة نسائيه وخلها تسوي فحوصات فيتامينات وغده هي اذا شافت انه كل شي اوكيه هي بتخبرج اذا تحتاجين علاج نفسي او لا ويكون ريلج معاج

ان شاء الله ما فيج الا العافيه

الغالية الاكتئاب بعد الولادة بعض الحريم ييهن وانتي تبين العلاج ان ريلج يكون وياج

يمكن يتقبل وييلس بس الريياييل مايحبون يلسة البيت وانتي لاتضايقين عمرج وتيبين لعمرج الامراض عشان حضرت وجوده

استمتعي بطفلج اهتمي بنفسج … فكري بصحتج وتغذيتج اقرئي كتب ,,, فكري بنفسج محد بينفعج اذا تفاقمت الامراض عندج اهم شي راحت النفس فديتج

انا ببنتي الاولى ياني اكتئاب.. بس بروحي تغلبت عليه

مبروك والحمدلله على سلامتج يلغلا حبيبتي لاتكبرين السالفة أنا عن نفسي مريت بمرحلة الاكتئاب وتغلبت عليها شغلت روحي بالبيبي والصديقات أهم شئ لاتيلسي وحيدة اختاري صديقة مرحة وكلميها وشوفيها الزوج مب ضروري يكون علاج أحياناً يكون العكس